अदानी विद्या मंदिराचा दुहेरी जल्लोष; देशातील अव्वल शाळांमध्ये समावेश अन्...

एज्युवार्ता न्यूज नेटवर्क

अहमदाबाद येथील अदानी विद्या मंदिर (Adani Vidya Mandir in Ahmedabad) या शाळेने विशेष कामगिरी बजावत राष्ट्रीय स्तरावर मानाचे स्थान पटकावले आहे. नुकत्याच मिळालेल्या National Accreditation Board for Education and Training (NABET) मानांकनात या शाळेने उत्कृष्ट गुण मिळवले आहेत. यासोबतच CBSE बारावी बोर्डाच्या परीक्षेतही शाळेतील सर्व विद्यार्थ्यांनी प्रथम श्रेणीत यश मिळवले आहे. त्यामुळे गौतम अदानी (Gautam adani) यांनी सोशल माध्यमावर एक पोस्ट शेअर करत सर्व विद्यार्थ्यांचे कौतुक केले आहे.

देशातील सर्वोत्तम शाळांमध्ये समावेश

अदानी विद्या मंदिर या शाळेला नॅशनल एक्रेडिटेशन बोर्ड फॉर एज्युकेशन अँड ट्रेनिंग (NABET) कडून मानांकन मिळाले आहे. यात शाळेने 250 पैकी 232 गुणांची प्रभावी कामगिरी नोंदवली आहे. त्याबरोबरच CBSE 12वी बोर्डाच्या परीक्षेत शाळेतील सर्वच्या सर्व 95 विद्यार्थी यशस्वी झाले आहेत. अदानी विद्या मंदीराचा निकाल 100 टक्के लागला आहे. विशेष म्हणजे या सर्व विद्यार्थ्यांनी प्रथम श्रेणीत बाजी मारली. NABET च्या सन्मानानंतर CBSE मधील या शानदार कामगिरीमुळे शाळेची मान अभिमानाने उंचावली आहे.

‘समग्र शिक्षा पुरस्कार’ने राष्ट्रीय स्तरावर गौरव

यापूर्वी फेब्रुवारी 2025 मध्ये अहमदाबादमधील अदानी विद्या मंदिर शाळेला ‘समग्र शिक्षा पुरस्कार’ अंतर्गत ‘नॅशनल विनर’ चा किताब मिळाला होता. आरटीई  (RTE) श्रेणीतील योगदानासाठी भारत सरकारच्या शिक्षण मंत्रालयातील राज्यमंत्री डॉ. सुकांत मजूमदार यांच्या हस्ते हा पुरस्कार प्रदान करण्यात आला होता.

आंतरराष्ट्रीय स्तरावरही सन्मान

अहमदाबादमधील अदानी विद्या मंदीरासोबतच अन्य अदानी विद्या मंदिर शाळेने आंतरराष्ट्रीय स्तरावर ‘इंटरनॅशनल ग्रीन स्कूल अवॉर्ड’ आणि ‘काइंडनेस स्कूल’ सारखे पुरस्कार प्राप्त केले आहेत.