रस्त्यावरील तरूणाने 'क्लास'मध्ये घुसून विद्यार्थिनीचा केला विनयभंग

उत्तर प्रदेशमध्ये तरुणांचा उन्माद पाहायला मिळत आहे. लखीमपूर शहरातील एका खाजगी कोचिंग क्लासेस (Private coaching classes) मध्ये घासून एका तरूणाने विद्यार्थिनीचा विनयभंग (Molestation of a student) केल्याची घटना सीसीटीव्हीमध्ये कैद झाली आहे. त्यानंतर तो सोशल मीडियावर चांगलाच व्हायरल (Video goes viral on social media) झाल्याचे पाहायला मिळत आहे. त्यामुळे युपीतील या गुंडगिरीला कधी लगाम बसणार? असा प्रश्न आता सर्व सामान्यातून विचारला जात आहे. 

सावधान:युजीसीचे अधिकारी असल्याचे सांगून आर्थिक फसवणूक

मिळालेल्या माहितीनुसार, लखीमपूर शहरातील न्यू काॅलनी येथे असलेल्या न्यू सायन्स स्टडी पॉइंट येथे ही विद्यार्थिनी इंटरमिजिएट परीक्षेची तयारी करत आहे. नेहमीप्रमाणे ती कोचिंगला जात असताना रस्त्याने एका तरूणाने तिचा पाठलाग करायला सुरूवात केली. आपला कोणी तरी पाठलाग करत आहे हे त्या विद्यार्थिनीच्या लक्षात आल्यानंतर तिने काही अंतरावर असलेल्या आपल्या कोचिंग क्लासचा आसरा घेतला. मात्र, तो माथेफिरू थेट तिच्या क्लासेस मध्ये घुसून ती माझी प्रियेशी  असल्याचे बोलू लागला. यामुळे मुलींच्या सुरक्षिततेच्या प्रश्न पुन्हा एकदा ऐरणीवर आला आहे. 

बराच वेळ विद्यार्थिनी बाहेर येण्याची वाट त्याने बघितली. मात्र, ती बाहेर येत नसल्याचे लक्षात आल्यानंतर काही वेळाने तो स्वतःहून निघून गेला. विद्यार्थिनीने तिच्या कुटुंबियांना घटनेची माहिती दिली आणि पोलिस स्टेशन गाठले. पोलिसांनी सदरील तरुणावर विनयभंगाचा गुन्हा दाखल केला आहे. संपूर्ण घटना सीसीटीव्हीमध्ये कैद झाली आहे. शहरात राहणारी १६ वर्षीय इंटरमिजिएट विद्यार्थिनी न्यू कॉलनीतील न्यू सायन्स स्टडी पॉइंट येथे शिक्षण घेते.