राज्यात पहिलीतील विद्यार्थ्यांना यंदापासून नवीन पुस्तके

एज्युवार्ता न्यूज नेटवर्क

राज्यात शैक्षणिक वर्ष 2025-26 पासून अंगणवाड्यांमधील तीन ते सहा वर्ष वयोगटातील बालकांसाठी (For children aged three to six years in Anganwadis) नवीन अभ्यासक्रम (New courses) सुरू करण्यात येणार आहे. या अभ्यासक्रमाचे नावे अनुक्रमे आधारशिला बालवाटिका 1,आधारशीला बालवाटिका 2 आणि आधारशिला बालवाटिका 3 (Aadharshila Kindergarten 1, Aadharshila Kindergarten 2 and Aadharshila Kindergarten 3) असे राहणार आहे.  

महिला व बालकल्याण मंत्रालयाने (Ministry of Women and Child Development) विकसित केलेला आधारशिला अभ्यासक्रम व राष्ट्रीय शिक्षण धोरण 2020 नुसार पूर्व प्राथमिक विद्यार्थ्यांसाठी पायाभूत स्तर अभ्यासक्रम यावर आधारित राज्य शैक्षणिक संशोधन व प्रशिक्षण परिषद महाराष्ट्र, पुणे यांनी विकसित केलेला अभ्यासक्रम अंगणवाडीतील तीन ते सहा वर्षे वयोगटातील बालकांसाठी यंदाच्या म्हणजेच शैक्षणिक वर्ष 2025-26 पासून राबवण्यात येणार आहे.  

या अभ्यासक्रमाची अंमलबजावणी करण्यासाठी मार्गदर्शक हस्तपुस्तिका, प्रशिक्षण साहित्य व अनुषंगिक साहित्य राज्य शैक्षणिक संशोधन व प्रशिक्षण परिषदेमार्फत अंगणवाडी सेविका यांच्यासह पर्यवेक्षक यांना प्रशिक्षणाच्या वेळी उपलब्ध करून देण्यात येणार आहे. 

राष्ट्रीय शिक्षण धोरणानुसार तयार करण्यात आलेल्या नवीन अभ्यासक्रमाची अंमलबजावणी राज्यातील शाळांमध्ये सर्व संबंधित विभागांमार्फत सन २०२५-२६ पासून टप्प्या-टप्याने करण्यात येणार आहे. त्यानुसार, सन २०२५-२६ मध्ये इयत्ता १ ली, सन २०२६-२७ इयत्ता २ री, ३ री, ४ थी व ६ वी सन २०२७-२८ इयत्ता ५ वी, ७ वी, ९ वी व ११ वी आणि सन २०२८-२९ इयत्ता ८ वी, १० वी व १२ वी अशी अंमलबजावणी करण्यात येईल.  

त्याचबरोबर, बालवाटिका - १, २, ३ राबविण्याविषयी महिला व बाल विकास विभागाच्या सहमतीने स्वतंत्र शासन निर्णय निर्गमित करण्यात येईल. अंगणवाडीतील 3 ते 6 वर्षे वयोगटातील बालकांसाठी विकसित करण्यात आलेले शैक्षणिक साहित्य (कृतीपुस्तिका, समग्र प्रगती पुस्तिका, अन्य पूरक अध्ययन साहित्य, इ.) स्थानिक स्वराज्य संस्थांच्या शाळांशी संलग्न निवडक अंगणवाड्यामध्ये उपयोगात आणण्यासाठी प्रायोगिक तत्त्वावर उपलब्ध करून देण्यात येणार आहे. या साहित्याचा उपयोगिता व परिणामकारकतेचे मूल्यमापन सदरचे साहित्य एक वर्ष उपयोगात आणल्यानंतर करण्यात येईल. तसेच  याबाबतची उचित कार्यवाही संचालक, राज्य शैक्षणिक संशोधन व प्रशिक्षण परिषद, महाराष्ट्र, पुणे  यांच्यास्तरावरुन करण्यात येईल. त्यानुसार या उपक्रमाच्या अंमलबजावणीची पुढील कार्यदिशा  ठरवण्यात येईल असे परीपत्रकामध्ये सांगण्यात आले आहे.