धक्कादायक! एकतर्फी प्रेमातून दहावीतील विद्यार्थिनीची शाळेसमोरच चाकू भोसकून हत्या..
आरोपी व अँजेलची अगोदरपासून ओळख होती. तो तिच्याच शाळेचा माजी विद्यार्थी होता. मात्र, त्याची संगत खराब असल्याने तिने त्याच्याशी मैत्री सोडली होती. मात्र, एकतर्फी प्रेमातून तो तिला सातत्याने त्रास देत होता. त्यातूनच त्याने तिची हत्या केली असावी, असा पोलिसांना संशय आहे.
eduvarta@gmail.com 
एज्युवार्ता न्यूज नेटवर्क
राज्याचे मुख्यमंत्री आणि गृहमंत्री असलेल्या देवेंद्र फडणवीस (Chief Minister Devendra Fadnavis) यांच्या नागपूर जिल्ह्यातून (Nagpur Crime News) धक्कादायक बातमी समोर आली आहे. एकतर्फी प्रेमातून एका (Murder due to one-sided love) अल्पवयीन मुलाने दहावीत शिकणाऱ्या विद्यार्थिनीच्या छातीत चाकू भोसकून हत्या (Student stabbed to death) केल्याने संपूर्ण राज्यात खळबळ उडाली आहे. सध्या गणेशोत्सव सणानिमित्त सवर्त्र कडक सुरक्षा असताना हा प्रकार घडल्याने गृहखात्यावर अनेक प्रश्न उपस्थित करण्यात येत आहेत.
नागपूर शहरातील अजनी पोलिस ठाण्याच्या हद्दीतील अजनी रेल्वे कॉलनीत असलेल्या सेंट अँथोनी शाळेजवळ ही घटना घडली. हत्या करणारा आरोपी मुलगा अल्पवयीनच असून तो घटनास्थळावरून फरार झाला. या घटनेमुळे पालकांमध्ये चिंतेचे वातावरण असून पोलीस आरोपीचा शोध घेत आहेत. अँजेल जॉन (कौशल्यायन नगर) असे मृत विद्यार्थिनीचे नाव आहे. ती सेंट अँथोनी शाळेमध्ये दहावीत शिकत होती तर अल्पवयीन आरोपी हा रामबाग परिसरातील रहिवासी असल्याचे सांगण्यात येत आहे.
आरोपी व अँजेलची अगोदरपासून ओळख होती. तो तिच्याच शाळेचा माजी विद्यार्थी होता. मात्र, त्याची संगत खराब असल्याने तिने त्याच्याशी मैत्री सोडली होती. मात्र, एकतर्फी प्रेमातून तो तिला सातत्याने त्रास देत होता. त्यातूनच त्याने तिची हत्या केली असावी, असा पोलिसांना संशय आहे.
शाळा सुटल्यानंतर अँजेल तिच्या मैत्रिणींसोबत घरी जाण्यासाठी निघाली. शाळेतून बाहेर निघाल्यावर काही मीटर अंतरावरच अल्पवयीन आरोपी तिची प्रतीक्षा करत होता. त्याने तिच्याशी बोलण्याचा प्रयत्न केला. मात्र, त्याला टाळून ती पुढे जाऊ लागली. दुचाकीवरून आलेल्या आरोपीने तिला पकडले व खिशातून चाकू काढून तिच्या छातीवर वार केले. मुलगी जोरात ओरडत खाली पडली. आरोपीने तिच्यावर वार सुरूच ठेवले. त्यानंतर दुचाकी तेथेच सोडून तो अजनी रेल्वे कॉलनीतील हॉकी मैदानाच्या दिशेने पळून गेला. अजनी पोलिसात गुन्हा दाखल करण्यात आला आहे.
