बारावीच्या पहिल्या इंग्रजीच्या पेपरला पकडले ४२ कॉपी बहाद्दर
राज्यात कॉपीमुक्त अभियान राबवले जात असताना राज्यात पहिल्याच दिवशी 42 कॉपी-बहाद्दर पकडण्यात आले.त्यात अमरावती विभागातील सर्वाधिक 22 तर पुणे विभागातील 10 विद्यार्थ्यांचा समावेश आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी मार्च 2026 मध्ये घेतल्या जाणाऱ्या इयत्ता बारावीच्या परीक्षेला सुरुवात झाली असून मंगळवारी इंग्रजी विषयाच्या पहिल्याच पेपरला राज्यातील 42 विद्यार्थ्यांना गैरप्रकार करताना पकडण्यात आले आहे. त्यात अमरावती विभागातील सर्वाधिक 22 तर पुणे विभागातील 10 विद्यार्थ्यांचा समावेश आहे.
राज्य मंडळातर्फे दरवर्षीप्रमाणे यंदाही कॉपीमुक्त परीक्षेच्या दृष्टीने विविध उपाय योजना करण्यात आल्या. सर्व परीक्षा केंद्रांवर सीसीटीव्ही कॅमेरे बसवण्याबाबत आग्रह धरण्यात आला.त्यातील 172 परीक्षा केंद्रांवर सीसीटीव्ही कॅमेरे बसवले गेले नाहीत.त्यामुळे या परीक्षा केंद्रांवरील कर्मचाऱ्यांना दुसऱ्या परीक्षा केंद्रांवर काम देण्यात आले. एकूणच राज्यात कॉपीमुक्त अभियान राबवले जात असताना राज्यात पहिल्याच दिवशी 42 कॉपी-बहाद्दर पकडण्यात आले.
अमरावती विभागात 22 पुणे विभागात 10 छत्रपती संभाजी नगर विभागातील नाशिक विभागात चार नागपूर विभागात एक लातूर विभागात दोन कॉपी करणाऱ्या विद्यार्थ्यांना पकडण्यात आले त्यात मुंबई कोल्हापूर व कोकण विभागात एकही विद्यार्थी गैरप्रकार करताना आढळून आला नाही अशी माहिती राज्य मंडळातर्फे कळविण्यात आले आहे.
