तब्बल 30 टक्के भावी शिक्षक नापास
राज्याचा डी.एड. चा निकाल 71.66 टक्के लागला असून https://deledexam.in/ या संकेतस्थळावर पाहण्यासाठी उपलब्ध आहे.
eduvarta@gmail.com 
एज्यूवार्ता न्यूज नेटवर्क
महाराष्ट्र राज्य परीक्षा परिषदेच्या (Maharashtra State Examination Council) वतीने घेतल्या जाणाऱ्या डीएड (डीएलएड-D.El.Ed) परीक्षेचा निकाल जाहीर करण्यात आला असून या परीक्षेत मराठी व इंग्रजी माध्यमाचे तब्बल 30 टक्के भावी शिक्षक नापास झाल्याची माहिती समोर आली आहे. राज्याचा डी.एड. चा निकाल 71.66 टक्के लागला असून https://deledexam.in/ या संकेतस्थळावर पाहण्यासाठी उपलब्ध आहे, राज्य परीक्षा परिषदेच्या आयुक्त अनुराधा ओक (Anuradha Oak, Commissioner, State Board of Examinations, )यांनी यासंदर्भातील परिपत्रक प्रसिद्ध केले आहे.
राज्य परीक्षा परिषदेतर्फे जून 2024 मध्ये 6 जून ते 14 जून या कालावधीत परीक्षा घेण्यात आली. या परीक्षेचा निकाल परीक्षा परिषदेच्या संकेतस्थळावर प्रसिद्ध करण्यात आला आहे. विद्यार्थ्यांना निकालाचे मूळ गुणपत्रक संबंधित अध्यापक विद्यालयामार्फत यथावकाश दिले जाणार आहे. विद्यार्थ्यांना उत्तर पत्रिकेची गुणपडताळणी व उत्तरपत्रिकेची छायाप्रत मिळवण्यासाठी 21 ऑगस्टपर्यंत मुदत देण्यात आले आहे.
डीएड द्वितीय वर्ष परीक्षेसाठी मराठी माध्यमाच्या बारा हजार 342 विद्यार्थ्यांनी नोंदणी केली होती. त्यातील 11 हजार 948 विद्यार्थी परीक्षेत प्रविष्ट झाले. प्रविष्ट झालेल्या विद्यार्थ्यांपैकी 8 हजार 656 विद्यार्थी उत्तीर्ण झाले तर 3 हजार 686 विद्यार्थी नापास झाले. मराठी माध्यमातून परीक्षा दिलेल्या विद्यार्थ्यांच्या उत्तीर्णतेची टक्केवारी 70.13 आहे. इंग्रजी माध्यमातून 1 हजार 739 विद्यार्थ्यांनी परीक्षेसाठी नोंदणी केली होती. त्यातील 1 हजार 689 विद्यार्थ्यांनी परीक्षा दिली. त्यातील 1 हजार 237 विद्यार्थी उत्तीर्ण झाले असून परीक्षेचा एकूण निकाल 71.13 टक्के एवढा लागला आहे.
डीएड द्वितीय वर्षाच्या निकालाची टक्केवारी
माध्यम पास विद्यार्थी नापास विद्यार्थी टक्केवारी
मराठी 11948 3686 70.13
उर्दू 2817 648 77.48
हिंदी 301 65 78.96
इंग्रजी 1689 502 71.13
कन्नड 34 03 91.43
