रायसोनी कॉलेजच्या विद्यार्थ्यांना इंटरनॅशनल हॅकथॉनमध्ये 2 लाखाचे बक्षिस 

एज्युवार्ता न्यूज नेटवर्क 

जी एच रायसोनी कॉलेज ऑफ इंजिनीअरिंग अँड मॅनेजमेंट पुणेच्या एआय विभागातील ओमकार देशपांडे यांच्या नेतृत्वाखालील कम्प्युटर इंजीनिअरिंग विभागातील पियूष जोशी, पार्थ भोर आणि राजतिलक जोशी यांच्या संघाने युएसटी (UST) ग्लोबल कंपनीने आयोजित केलेल्या युएसटी डी3कोड (UST D3code) इंटरनॅशनल हॅकथॉन २०२४ मध्ये उत्कृष्ट कामगिरी करत २ लाख रुपयांचे बक्षीस जिंकले. या स्पर्धेत संपूर्ण भारतातून ७,२०० संघानी भाग घेतला होता. या संघाच्या उत्कृष्ट कामगिरीमुळे त्यांना सन्माननीय उल्लेख (Honorary Mention) पदवी मिळाली आणि २ लाख रुपयांचे बक्षीस देण्यात आले.

या हॅकथॉनमध्ये ओमकार देशपांडे आणि त्यांच्या संघाने दाखवलेली कौशल्ये, सृजनशीलता, नवकल्पना अत्यंत प्रशंसनीय होती. रोख बक्षिसासोबतच, संघाच्या सदस्यांना युएसटी इंडिया कडून रोजगाराची संधी देखील देण्यात आली आहे.

रायसोनी कॉलेज पुणेचे परिसर संचालक डॉ. आर. डी. खारडकर यांनी विद्यार्थ्यांच्या या यशाबद्दल अभिमान व्यक्त केला. ते म्हणाले, "हे उल्लेखनीय यश विद्यार्थ्यांच्या नवकल्पना, कठोर परिश्रम आणि तांत्रिक कौशल्याचे प्रतीक आहे. तसेच हे रायसोनी कॉलेजद्वारे दिल्या जाणाऱ्या उच्च-गुणवत्तेच्या शिक्षणाचे आणि संधींचेही उदाहरण आहे, ज्यामुळे आमचे विद्यार्थी उद्योगांसाठी तयार होतात. आम्हाला खात्री आहे की या यशामुळे इतर विद्यार्थ्यांनाही त्यांच्या क्षेत्रात उत्कृष्टतेसाठी प्रेरणा मिळेल."

रायसोनी एज्युकेशनचे अध्यक्ष सुनील रायसोनी आणि कार्यकारी संचालक  श्रेयस रायसोनी यांनी विजेत्यांचे अभिनंदन केले.