ललित कला केंद्राच्या सुमंत शिंदेला राष्ट्रपतींच्या हस्ते पुरस्कार; मराठी माणसाचा प्रथमच सन्मान
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University)ललित कला केंद्र गुरुकुल (Lalit Kala Kendra Gurukul) विभागातून नाटकाचे शिक्षण पूर्ण केलेल्या सुमंत शिंदे (Sumant Shinde) या मराठी अभिनेत्याला राष्ट्रपती महामहिम द्रौपदी मुरमू यांच्या हस्ते रजत कमल पुरस्कार (Award)प्रदान करण्यात आला. गेल्या सत्तर वर्षाच्या इतिहासात या प्रवर्गातील हा पुरस्कार प्रथमच एका मराठी कलावंताला लाभला आहे.
नवी दिल्ली येथे पार पडलेल्या ७० व्या राष्ट्रीय पुरस्कार सोहळ्यात ‘आदिगुंजन’ या चित्रपटासाठी राष्ट्रपती द्रौपदी मुरमू यांच्या हस्ते सर्वश्रेष्ठ निवेदन व प्रकथनासाठी सुमंत शिंदे यांना रजत कमल पुरस्कार प्रदान करण्यात आला. विद्यापीठच्या ललित कला केंद्र गुरुकुल विभागाचे प्रमुख डॉ. प्रवीण भोळे यांनी सुमंत शिंदे यांचे अभिनंदन केले आहे.सुमंत सध्या ‘इंद्रायणी’ या गाजलेल्या मालिकेत अभिनय करीत आहे.
