UGC च्या लोगोचा होतोय अनधिकृत संस्थांकडून गैरवापर ; UGC कडून विद्यार्थी,पालकांना इशारा
UGC ने कोणत्याही संस्थेला अगर व्यक्तीला UGC च्या वतीने कोणतेही पत्रक किंवा निर्णय घेण्याची किंवा UGC चा लोगो, वेबसाइट हँडल करण्याची परवानगी दिलेली नाही. तथापी विद्यार्थी, पालक आणि भागधारकांनी अशा संस्थानपासून सावध राहावे.
eduvarta@gmail.com 
एज्युवार्ता न्यूज नेटवर्क
विद्यापीठ अनुदान आयोगाने (University Grants Commission) UGC एक निवेदन प्रसिद्ध करत विद्यार्थी, पालक आणि संबधितांना सावधानतेचा इशारा दिला आहे. (caution is issued) काही अनधिकृत संस्था UGC च्या लोगोचा गैरवापर करत असून त्यामुळे विद्यार्थी आणि पालकांची दिशाभुल होत आहे. (Some unauthorized organization is misusing the logo of UGC and hence students and parents are getting misled) असे त्या निवेदनात नमूद करण्यात आले आहे.
वास्तविक मागील काही दिवसांपासून काही अनधिकृत संस्था UGC च्या परवानगी शिवाय त्यांचा लोगो वापरत असल्याच्या घटना समोर येत आहेत. या पार्श्वभूमीवर आयोगाने हे निवेदन प्रसिद्ध केले आहे.
UGC ने म्हटले आहे की, 'UGC ने कोणत्याही संस्थेला अगर व्यक्तीला UGC च्या वतीने कोणतेही पत्रक किंवा निर्णय घेण्याची किंवा UGC चा लोगो, वेबसाइट हँडल करण्याची परवानगी दिलेली नाही. तथापी विद्यार्थी, पालक आणि भागधारकांनी अशा संस्थापासून सावध राहावे."
अशा संस्थांना कारवाईचा इशारा देत UGC ने म्हटले आहे की, 'UGC चा लोगो 'ट्रेड मार्क्स अॅक्ट 1999' कायद्या अंतर्गत संरक्षित करण्यात आला आहे. या लोगोचा गैरवापर कायद्याने गुन्हा असून असे करणाऱ्यांविरोधात कडक कारवाई केली जाईल.'
