पीएचडी नियमांचे उल्लंघन झाल्यास विद्यापीठांवर होणार कारवाई; तीन विद्यापीठांवर बंदी
जगदीश कुमार म्हणाले, "पीएचडी कार्यक्रमांमध्ये सर्वोच्च दर्जा राखण्यासाठी विद्यापीठांनी स्वतः सूचनांचे पालन करावे. आम्ही इतर काही विद्यापीठांमधील पीएचडी कार्यक्रमांची गुणवत्ता देखील तपासत आहोत. जर ते पीएचडी नियमांचे उल्लंघन करताना आढळले तर त्यांच्यावरही कारवाई केली जाईल."
eduvarta@gmail.com 
एज्युवार्ता न्यूज नेटवर्क
पीएचडी (PhD) अभ्यासक्रमात विद्यापीठ अनुदान आयोगाच्या (University Grants Commission) UGC नियमांचे पालन न करणार्या विद्यापीठांवर आयोगाने कठोर कारवाई करण्याचा निर्णय घेतला आहे. या निर्णयाची अंमलबजावणी करत आयोगाने राजस्थानमधील तीन विद्यापीठांमध्ये पीएचडी विद्यार्थ्यांच्या प्रवेशावर बंदी घातली आहे. (Three universities in Rajasthan ban admission of PhD students) पीएचडी नियमांचे उल्लंघन झाल्यास इतर विद्यापीठांवर देखील ही वेळ येऊ शकेल. (Action will also be taken against other universities if PhD rules are violated) असा इशारा आयोगाचे अध्यक्ष जगदीश कुमार (President Jagdish Kumar) यांनी दिला आहे.
यासंदर्भात अधिक माहिती देताना जगदीश कुमार म्हणाले, "पीएचडी कार्यक्रमांमध्ये सर्वोच्च दर्जा राखण्यासाठी विद्यापीठांनी स्वतः सूचनांचे पालन करावे.आम्ही इतर काही विद्यापीठांमधील पीएचडी कार्यक्रमांची गुणवत्ता देखील तपासत आहोत. जर ते पीएचडी नियमांचे उल्लंघन करताना आढळले तर त्यांच्यावरही कारवाई केली जाईल."
यूजीसीने अधिकृत वेबसाइटवर याबाबतची अधिकृत अधिसूचना प्रसिद्ध केली आहे. या अधिसूचनेनुसार 'विद्यापीठांनी सादर केलेल्या डेटाचे मूल्यांकन केल्यानंतर, स्थायी समितीला असे आढळून आले आहे की, राजस्थानमधील तीन विद्यापीठे पीएचडीमध्ये यूजीसीच्या नियमांचे पालन करत नाहीत. या विद्यापीठांना त्यांची बाजू मांडण्याची संधी देखील देण्यात आली होती, तथापि, विद्यापीठांनी दिलेली उत्तरे समाधानकारक नव्हती. यामुळे स्थायी समितीने पुढील पाच वर्षांसाठी तीन विद्यापीठांवर बंदी घालण्याचा निर्णय घेतला आहे.'
