खराब हवामानामुळे गेल्या वर्षी तब्बल 24 कोटी मुलांची शाळेला दांडी; UNICEF चा अहवाल
अहवालानुसार 2024 मध्ये खराब हवामानामुळे उष्णतेच्या लाटा, चक्रीवादळे, पूर आणि इतर तीव्र हवामानामुळे ८५ देशांमधील किमान २४.२ कोटी विद्यार्थी शाळेत जाऊ शकले नव्हते. २०२४ मध्ये प्रभावित झालेल्या जवळजवळ ७४% मुले मध्यम आणि कमी उत्पन्न असलेल्या देशांमध्ये आहेत.
eduvarta@gmail.com 
एज्युवार्ता न्यूज नेटवर्क
अतिवृष्टी, कडाक्याची थंडी किंवा अति उन्हामुळे शाळांना सुट्या जाहीर करणे हा प्रकार सध्या देशात सर्वसाधारण झाला आहे. पण संयुक्त राष्ट्रांच्या बाल निधी विभागाने (United Nations Children's Fund) UNISEF च्या अहवालातून एक धक्कादायक बाब समोर आली आहे. अहवालानुसार 2024 मध्ये खराब हवामानामुळे तब्बल 24 कोटी विद्यार्थी शाळेत गेले नव्हते. (According to the report, as many as 24 crore students did not go to school in 2024 due to bad weather) उष्णतेच्या लाटा, चक्रीवादळे, पूर आणि इतर तीव्र हवामानामुळे ८५ देशांमधील किमान २४.२ कोटी विद्यार्थी शाळेत जाऊ शकले नव्हते, असे अहवालात नमूद करण्यात आले आहे.
अहवालानुसार, अनेक पाश्चमाती देशांमध्ये पुर,चक्रीवादळ आणि उष्णतेच्या लाटांचा सामना करावा लागला. यामुळे मोठ्या प्रमाणात शाळा बंद होत्या. काही ठिकाणी पुरामुळे शाळेच्या इमारतीच नष्ट झाल्या. युनिसेफने म्हटले आहे की, 'एप्रिलमध्येच ११८ दशलक्षाहून अधिक मुलांचे शालेय शिक्षण विस्कळीत झाले होते, कारण मध्य पूर्व आणि आशियाच्या पश्चिमेकडील गाझा ते आग्नेय दिशेला फिलीपिन्सपर्यंत तापमान ४० अंश सेल्सिअसपर्यंत पोहोचले होते. इटलीमध्ये मुसळधार पाऊस आणि पुरामुळे वर्षाच्या अखेरीस 9 लाखाहून अधिक मुलांचे शालेय शिक्षण विस्कळीत झाले. स्पेनमधील विनाशकारी पुरामुळे हजारो मुलांना शाळेत जाता आले नाही. एप्रिलमध्ये, पुरामुळे पाकिस्तानमध्ये ४०० हून अधिक शाळा उद्ध्वस्त झाल्या. मे महिन्यात अफगाणिस्तानात झालेल्या तीव्र उष्णतेमुळे ११० शाळांमधील उपस्थिती अगदी नगण्य होती. आफ्रिकेत चिडो चक्रीवादळामुळे ३३० हून अधिक शाळा आणि तीन प्रादेशिक शिक्षण विभाग उद्ध्वस्त झाले.'
युनिसेफच्या कार्यकारी संचालक कॅथरीन रसेल यांनी आपल्या निवेदनात म्हटले आहे की, "हवामानाशी संबंधित संकटांच्या परिणामांचा मुलांच्या आरोग्यावर अधिक परिणाम होतो. अधिक तीव्र आणि वारंवार येणारे उष्णतेच्या लाटा, वादळे, दुष्काळ आणि पूर या हवामानातील बदलांमुळे मुले अधिक प्रभावित होतात." युनिसेफने म्हटले आहे की, '२०२४ मध्ये प्रभावित झालेल्या जवळजवळ ७४% मुले मध्यम आणि कमी उत्पन्न असलेल्या देशांमध्ये आहेत. यामुळे हवामान बदलाचा सर्वात गरीब देशांवर किती विनाशकारी परिणाम होत आहे हे अधोरेखित होते. जगातील शाळा आणि शिक्षण व्यवस्था हवामानाच्या बदलांना आणि त्यापासून होणार्या परिणामांना तोंड देण्यासाठी "अत्यंत अपुरी" आहेत.'
