चालू वर्गातून उठला, बाहेर आला अन् तिसऱ्या मजल्यावरून उडी मारून जीवन संपावले

एज्युवार्ता न्यूज नेटवर्क 

आंध्र प्रदेशातील एका महाविद्यालयीन विद्यार्थ्याने तिसऱ्या मजल्यावरून उडी मारून आत्महत्या (Student commits suicide) केली. त्याचा आत्महत्या करतानाचा सीसीटीव्ही व्हिडिओ सध्या इलेक्ट्राॅनिक मीडियाद्वारे समोर आला आहे. जो पाहून सर्वांनाच आश्चर्याचा धक्का बसेल. ज्यामध्ये तो विद्यार्थी त्याच्या वर्गात बसून अभ्यास करताना दिसत आहे. नंतर तो अचानक वर्गातून बाहेर येतो आणि रेलिंगवर चढून महाविद्यालयाच्या तिसऱ्या मजल्यावरून खाली उडी मारतो. त्यामध्ये त्याचा मृत्यू झाला आहे. 

घटना घडल्यानंतर त्याच्या वर्गात बसलेले इतर विद्यार्थी लगेच बाहेर धावत आले. मात्र, तोपर्यंत उशीर झालेला होता. विद्यार्थ्यांने अशी अचानक आत्महत्या का केली, त्याचे कारण अद्याप समोर आललेले नाही. ही घटना आंध्र प्रदेशातील  अनंतपूर जिल्ह्यात घडली. त्याच्या या आत्महत्येमुळे कुटुंबाबर दुःखाचा डोंगर कोसळला आहे. 

पोलिसांनी दिलेल्या माहितीनुसार, संक्रांतीच्या सुट्ट्यांनंतर विद्यार्थी नुकताच कॉलेजमध्ये परतला होता. घटनेनंतर लगेचच कॉलेज व्यवस्थापनाने विद्यार्थ्याला रुग्णालयात दाखल करण्यात आले. मात्र,  डॉक्टरांनी त्याला मृत घोषित केले. हा विद्यार्थी श्री सत्य साई जिल्ह्यातील रामपुरम गावचा रहिवासी होता. तो नारायण ज्युनियर कॉलेजचा विद्यार्थी असून इंटरमीजिएटच्या प्रथम वर्षाला होता. विद्यार्थ्याच्या पालकांच्या तक्रारीवरून पोलिसांनी गुन्हा दाखल केला आहे आणि प्रकरणाचा तपास सुरू आहे.