वर्ल्ड्स बेस्ट स्कूलमध्ये 'या' तीन भारतीय शाळांचा समावेश
'T4 एज्युकेशन' ही संस्था दरवर्षी जगातील सर्वोत्तम शाळेचा पुरस्कार देते. पुरस्कार एकूण 5 श्रेणींमध्ये दिले जातात - समुदाय सहयोग, पर्यावरणीय कृती, नवोपक्रम, प्रतिकूलतेवर मात करणे आणि निरोगी जीवनास समर्थन देणे. त्यासाठी शाळांनी स्वत: संबंधित प्रवर्गातील नामांकने पाठवायची आहेत.
eduvarta@gmail.com 
एज्युवार्ता न्यूज नेटवर्क
वेगवेगळ्या श्रेणींमध्ये (In different categories) सर्वोत्तम कामगिरी करणार्या जगातील सर्व शाळांमधून 'वर्ल्ड्स बेस्ट स्कूल' ची यादी नुकतीच 'T4 एज्युकेशन' या ब्रिटिश संस्थेने जाहीर केली आहे. (list of 'World's Best Schools' has recently been announced by the British organization T4 Education) अभिमानास्पद बाब म्हणजे या यादीमध्ये एकूण 6 शाळांचा समावेश असून यापैकी 3 शाळा भारतीय आहेत. (Three indian schools included) .
वसंत कुंज, दिल्ली येथे असलेली रायन इंटरनॅशनल स्कूल (Ryan International School) ही जागतिक सर्वोत्तम शाळांच्या यादीत असलेल्या 6 शाळांपैकी एक आहे. ही खाजगी शाळा आहे. पर्यावरणासाठी काम करत असलेल्या उल्लेखनीय कार्यासाठी या शाळेला हा पुरस्कार देण्यात आला आहे. ही शाळा हायड्रोपोनिक्स आणि बायोगॅस यांसारख्या नाविन्यपूर्ण प्रकल्पांच्या माध्यमातून दिल्लीतील पाणीटंचाई आणि प्रदूषणासारख्या समस्यांशी लढा देत असल्याचे पुरस्कार देणाऱ्या संस्थेने म्हटले आहे.
या यादीमध्ये एका शासकीय शाळेचाही समावेश आहे. मध्य प्रदेशच्या रतलाम जिल्ह्यातील 'सीएम राईज स्कूल विनोबा' (CM Rise School Vinoba) या शाळेला 2024 चा जागतिक सर्वोत्तम शाळेचा पुरस्कार मिळाला आहे. या शाळेला तिच्या नाविन्यपूर्ण कार्याबद्दल पुरस्कृत करण्यात आले आहे. ही सीएम रायझ स्कूल आदिवासी मुलींसाठी आहे. या शाळेला गेल्या दोन-तीन वर्षात सार्वजनिक शिक्षणात केलेल्या नवनवीन शोधांचा पुरस्कार मिळाला आहे.
'कालवी इंटरनॅशनल पब्लिक स्कूल' (Kalvi International Public School) ही मदुराई, तमिळनाडू येथील खाजगी शाळा आहे. कम्युनिटी चॉईसच्या श्रेणीमध्ये या शाळेला जगातील सर्वोत्कृष्ट शाळा 2024 पुरस्कार देण्यात आला आहे. ही शाळा शिक्षण आणि खेळाच्या माध्यमातून गरजू उपेक्षित मुलांचे आयुष्य सुधारण्यास मदत करते.
' T4 एज्युकेशन' ही संस्था दरवर्षी जगातील सर्वोत्तम शाळेचा पुरस्कार देते. पुरस्कार एकूण 5 श्रेणींमध्ये दिले जातात. समुदाय सहयोग, पर्यावरणीय कृती, नवोपक्रम, प्रतिकूलतेवर मात करणे आणि निरोगी जीवनास समर्थन देणे. त्यासाठी शाळांनी स्वत: संबंधित प्रवर्गातील नामांकने पाठवायची आहेत. पुढील वर्षी म्हणजेच २०२५ साठी ऑनलाइन अर्ज सुरू झाले आहेत.
