जेईई मेन अंतिम आन्सर की प्रसिद्ध !

प्रश्नपत्रिकेतील बहुपर्यायी प्रश्नांसाठी, जर कोणताही पर्याय बरोबर नसेल, प्रश्न चुकीचा असेल किंवा प्रश्न वगळला असेल, तर सर्व उमेदवारांना त्या प्रश्नाचे पूर्ण गुण दिले जातील. एखाद्या विद्यार्थ्याने तो प्रश्न सोडवला नसेल तरीही त्याला त्या प्रश्नाचे गुण दिले जातील.

Feb 10, 2025 - 16:06 Updated: Feb 10, 2025 - 17:50

एज्युवार्ता न्यूज नेटवर्क

नॅशनल टेस्टिंग एजन्सी (National Testing Agency) NTA ने जेईई मेन सत्र १ च्या पेपर १ साठी अंतिम आन्सर की प्रसिद्ध केली आहे. (The final answer key for Paper 1 of JEE Main Session 1 has been released) परीक्षेला बसलेले उमेदवार jeemain.nta.ac.in या अधिकृत वेबसाइटला भेट देऊन ते डाउनलोड करू शकतात. अंतिम उत्तर कीमधून एकूण १२ प्रश्न काढून टाकण्यात आले आहेत, जे अधिकृत वेबसाइटवर पीडीएफ स्वरूपात उपलब्ध आहेत.

जेईई मेन २०२५ च्या उत्तर कीच्या मदतीने, उमेदवार त्यांचे संभाव्य गुण आणि टक्केवारी मोजू शकतात. अधिकृत अधिसूचनेनुसार, जेईई मेन २०२५ चा निकाल १२ फेब्रुवारी रोजी जाहीर होणार आहे. प्रश्नपत्रिकेतील बहुपर्यायी प्रश्नांसाठी, जर कोणताही पर्याय बरोबर नसेल, प्रश्न चुकीचा असेल किंवा प्रश्न वगळला असेल, तर सर्व उमेदवारांना त्या प्रश्नाचे पूर्ण गुण दिले जातील. एखाद्या विद्यार्थ्याने तो प्रश्न सोडवला नसेल तरीही त्याला त्या प्रश्नाचे गुण दिले जातील.

जेईई मेन सेशन १ पेपर १ ची परीक्षा २२, २३, २४, २८ आणि २९ जानेवारी रोजी दोन शिफ्टमध्ये घेण्यात आली होती. यासाठी १३.७८ लाखांहून अधिक लोकांनी नोंदणी केली होती. परीक्षेच्या दिवशी एकूण उपस्थिती ९४.४% नोंदवण्यात आली होती.

आन्सर की कशी डाउनलोड करावी
* सर्वप्रथम jeemain.nta.ac.in वर जा.
* होमपेजवर जा आणि “JEE Main Final Answer Key 2025” या लिंकवर क्लिक करा.
* तुमच्या स्क्रीनवर अंतिम उत्तर की प्रदर्शित होईल.
* आता ते डाउनलोड करा आणि प्रिंटआऊट घ्या