ऐकावे ते नवल ; वर्गाच्या भिंती थंड ठेवण्यासाठी प्राचार्याने भिंतीवर लेपले शेण 

एज्युवार्ता न्यूज नेटवर्क 

उन्हाळा सुरू होताचा वातारणाचा कहर वाढताना दिसत आहे. अनेक राज्यांनी विद्यार्थ्यांना या वाढत्या तापमानाचा त्रास होऊ नये म्हणून विविध उपाय योजना केल्या आहेत. पण एका महाविद्यालयाच्या प्राचार्याने उन्हापासून वाचण्यासाठी अजब कल्पना लढवली आहे. दिल्ली विद्यापीठाच्या लक्ष्मीबाई कॉलेजच्या (Lakshmibai College, University of Delhi) प्राचार्याने चक्क वर्गाच्या भिंती शेणाने लेपल्या आहेत. (The principal has covered the classroom walls with cow dung) या कृतीमुळे प्राचार्यांना सध्या संतापाचा सामना करावा लागत आहे. 

सोशल मीडियावरील एका व्हिडिओमध्ये, मुख्याध्यापिका  प्रत्युष वत्सला वर्गाच्या भिंतींवर शेणाचे लेप लावताना दिसत आहेत. हा व्हिडिओ मोठ्या प्रमाणात शेअर करण्यात आला. सांगितले की, यावर प्रतिक्रिया देताना प्रत्युष वत्सला यांनी संगितले की, " प्राध्यापकांनी चालवलेला हा उपक्रम स्वदेशी आणि शाश्वत शीतकरण तंत्रज्ञानाचा शोध घेण्याच्या उद्देशाने सुरू असलेल्या संशोधनाचा एक भाग आहे." 

प्राचार्यांनी  शिक्षकांच्या व्हॉट्सअॅप ग्रुपमध्ये तो  व्हिडिओ शेअर केला होता.  ज्यामध्ये त्यांनी म्हटले आहे की," सी ब्लॉकमधील वर्गखोल्या थंड करण्यासाठी स्वदेशी पद्धत वापरली जात आहे. येथे ज्यांचे वर्ग आहेत त्यांना लवकरच या खोल्यांचे नवे रूप मिळेल. तुमचा शिकण्याचा अनुभव आनंददायी बनवण्यासाठी प्रयत्न केले जात आहेत. "

हे प्रकरण सध्या चिघळले आहे. विद्यापीठाच्या विद्यार्थी संघटनेने प्राचार्यांविरुद्ध आंदोलन पुकारले आहे. संघटनेच्या काही सभासदांनी प्राचार्यांच्या ऑफिस च्या भिंती देखील शेणाने लेपल्या आहेत. डीयूएसयूचे अध्यक्ष रौनक खत्री यांनी संगितले की, "अशा उपक्रमासाठी विद्यार्थ्यांकडून कोणतीही संमती घेण्यात आली नव्हती. जर तुम्हाला संशोधन करायचे असेल तर ते तुमच्या घरी करा. आम्हाला पूर्ण विश्वास आहे की मॅडम आता त्यांच्या खोलीतील एसी काढून विद्यार्थ्यांना देतील आणि शेणाने माखलेल्या या आधुनिक आणि नैसर्गिक थंड वातावरणात ऑफिस चालवतील."