शिक्षक भरती घोटाळ्याचा कहर, मृत शिक्षणाधिकाऱ्याच्या सहीने काढल्या नियुक्त्या

एज्युवार्ता न्यूज नेटवर्क

राज्यात सध्या बोगस शिक्षक भरती घोटाळ्याने (Bogus teacher recruitment scam) अक्षरश: थैमान घातले आहे. रोज एका जिल्ह्यातून बोगस भरती घोटाळ्याची माहिती समोर येत आहे. मात्र, हाती आलेल्या माहितीमुळे तर या भरती घोटाळ्याने कहर केला असल्याचे दिसून येत आहे. मृत शिक्षणाधिकाऱ्याची सही (Signature of deceased education officer) वापरून १०० पेक्षा अधिक शिक्षकांची भरती केल्याची धक्कादायक आरोप शिक्षक परिषदेने केला आहे. निवृत्त शिक्षणाधिकारी सोमेश्वर नैताम (Someshwar Naitam) यांच्या मृत्यूनंतरही त्यांच्या सहीचा गैरवापर करण्यात आल्याची बाब उघड झाली आहे. 

नागपुर जिल्हा प्राथमिक शिक्षणाधिकारी पदावर कार्यरत असलेले सोमेश्वर नैताम यांना २०१६ साली त्यांच्या सेवानिवृत्तीच्या दिवशी लाचलुचपत प्रतिबंधक पथकाने धाड टाकून मोठ्या रकमेसहीत अटक केली होती. त्यानंतर काहीच दिवसांत त्यांचे निधन झाले. त्यांच्या मृत्यू पश्चात त्यांच्या बोगस सह्या असलेल्या Approval Order बोगस शिक्षक नियुक्तीत वापरण्यात आल्या. या ऑर्डर सन २०२४ पर्यंत काढण्यात आल्या. सोमेश्वर नैताम यांच्या मृत्यूनंतर पैसे घेऊन बोगस शिक्षकांच्या नियुक्ती करण्यात आल्या. या नियुक्ती सोमेश्वर नैताम हयात असताना झाल्याचे व त्या अधिकृत असल्याचे भासवण्यासाठी कागदोपत्री नैताम यांच्या बोगस सह्या करण्यात आल्या, असल्याची माहिती महाराष्ट्र राज्य शिक्षक परिषदेचे कार्याध्यक्ष तसेच माजी शिक्षक आमदार नागो गाणार सर यांनी माध्यमांना दिली. 

२ मे २०१२ रोजी सरकारने शिक्षक भरतीवर बंदी घातली होती. बंदी असताना देखील अनेक मान्यता नियमबाह्य पद्धतीने देण्यात आल्या. या नियमबाह्य मान्यता तपासण्यासाठी शासनाने समिती नेमली. त्यानंतर आलेल्या अहवानानुसार ४ हजार ११ शिक्षकांना अपात्रठरवण्यात आले. मात्र, या शिक्षकांच्या नियुक्त्या रद्द करण्यात आल्या आहेत का? त्याचे वेतन थांबवण्यात आले आहे का? याबाबतची सर्व माहिती अद्याप अप्राप्त आहे. यामध्ये नियक्तीसाठी वेगवेगळे रेट कार्ट तयार करण्यात आले होते, असे माहिती अधिकारी अंगद भोसले यांनी सांगितले.