विशेष गरजा असलेल्या विद्यार्थ्यांना मदत करणाऱ्या लेखकांना सन्मानित करण्याचा CBSE चा निर्णय
हा उपक्रम सुरळीतपणे राबविण्यासाठी, सीबीएसईने सर्व केंद्र अधीक्षकांना आणि शाळांना ऑनलाइन परीक्षा केंद्र व्यवस्थापन प्रणाली (OECMS) वर स्क्राइबर्सचा (लेखकांचा ) डेटा अपडेट करण्यास सांगितले आहे. यामुळे अशा लेखकांची माहिती मंडळाला सहज उपलब्ध होईल आणि त्यांना वेळेवर प्रशंसापत्रे देता येतील.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (Central Board of Secondary Education) सीबीएसई २०२५ च्या बोर्ड परीक्षेत विशेष गरजा असलेल्या विद्यार्थ्यांना (सीडब्ल्यूएसएन) मदत करणाऱ्या लेखकांचा सत्कार करण्याचा निर्णय घेतला आहे. (It has been decided to felicitate writers who help students with special needs in board exams) परीक्षेदरम्यान या विद्यार्थ्यांना मदत करणाऱ्या लेखकांना CBSE कडून कौतुकपत्र देण्यात येईल.
हा उपक्रम सुरळीतपणे राबवण्यासाठी, सीबीएसईने सर्व केंद्र अधीक्षकांना आणि शाळांना ऑनलाइन परीक्षा केंद्र व्यवस्थापन प्रणाली (OECMS) वर स्क्राइबर्सचा (लेखकांचा ) डेटा अपडेट करण्यास सांगितले आहे. यामुळे अशा लेखकांची माहिती मंडळाला सहज उपलब्ध होईल आणि त्यांना वेळेवर प्रशंसापत्रे देता येतील.
सीबीएसईच्या दहावी आणि बारावीच्या बोर्ड परीक्षा १५ फेब्रुवारी २०२५ पासून सुरू झाल्या आहेत. यावर्षी, बोर्डाने उमेदवारांना मदत म्हणून जे लेखक देण्यात आले आहेत त्यांची माहिती प्रवेशपत्रात नमूद करण्यास संगितले आहे. त्यामध्ये त्यांच्या अपंगत्वाची श्रेणी आणि त्यांना देण्यात येणाऱ्या सुविधा किंवा सवलतींचा देखील उल्लेख असेल.
मंडळाने परीक्षा केंद्र अधीक्षकांना या सुविधांची आगाऊ व्यवस्था करण्याचे निर्देश दिले आहेत. जर कोणत्याही परीक्षा केंद्रावर बाह्य अधीक्षकाची नियुक्ती केली असेल, तर त्या केंद्राच्या शाळेने ऑनलाइन परीक्षा केंद्र व्यवस्थापन प्रणाली (OECMS) वर डेटा अपडेट करावा लागेल.
OECMS पोर्टलवर डेटा अपडेट अनिवार्य
सीबीएसईने सर्व परीक्षा केंद्रांना ओईसीएमएस पोर्टलवरील डेटा दररोज अपडेट करण्याचे निर्देश दिले आहेत. परीक्षेशी संबंधित सर्व आर्थिक प्रक्रिया या पोर्टलद्वारे हाताळल्या जात असल्याने, डेटा वेळेवर उपलब्ध करून देणे महत्वाचे आहे. ज्या केंद्रांवर बाह्य अधीक्षकांची नियुक्ती करण्यात आली आहे, त्या केंद्रांवर शाळेला OECMS पोर्टलवरील माहिती अपडेट करण्यासाठी संपूर्ण व्यवस्था करावी लागेल.
