12 वीच्या विद्यार्थ्यांचे अंतर्गत गुण अपलोड करताना घ्या 'ही' काळजी नाहीतर...; CBSE चे निर्देश 

एकदा सबमिट केल्यानंतर, गुण संपादित किंवा दुरुस्त करता येणार नाहीत, त्यामुळे अपलोड करण्यापूर्वी शाळांना अंतर्गत ग्रेड पूर्णपणे पडताळून पाहण्याच्या सूचना देण्यात आल्या आहेत. एकदा डेटा सिस्टममध्ये अपलोड केल्यानंतर त्यात कोणतेही बदल केले जाणार नाहीत, असे स्पष्ट निर्देश बोर्डाने संलग्न शाळांना दिले आहेत. 

12 वीच्या विद्यार्थ्यांचे अंतर्गत गुण अपलोड करताना घ्या 'ही' काळजी नाहीतर...; CBSE चे निर्देश 

एज्युवार्ता न्यूज नेटवर्क 

केंद्रीय माध्यमिक शिक्षण मंडळाने (Central Board of Secondary Education) CBSE २०२४-२५ च्या 12 वीच्या परीक्षेसाठी अंतर्गत ग्रेड अपलोड करण्याबाबत एक सूचना प्रसिद्ध केली आहे. (cbse issues important notice on uploading internal grades for class 12 students) शाळा आता नियुक्त केलेल्या पोर्टलद्वारे बारावीच्या विद्यार्थ्यांचे अंतर्गत गुण १४ फेब्रुवारीपर्यंत अपलोड करू शकतात. हे गुण अपलोड करताना उशीर झाला किंवा त्यात काही त्रुटी राहिल्यास याचा परिणाम विद्यार्थ्यांच्या गुणांवर होउ शकतो. 
CBSE ने जाहीर केलेल्या अधिकृत सूचनेनुसार 'हे पोर्टल १४ फेब्रुवारी २०२५ पर्यंत खुले राहील. बारावीच्या उमेदवारांचे अंतर्गत ग्रेड अपलोड करण्यासाठी अंतर्गत ग्रेड अपलोडिंग पोर्टल १५ जानेवारी २०२५ ते १४ फेब्रुवारी २०२५ पर्यंत सक्रिय राहील.' 
एकदा सबमिट केल्यानंतर, गुण संपादित किंवा दुरुस्त करता येणार नाहीत, त्यामुळे अपलोड करण्यापूर्वी शाळांना अंतर्गत ग्रेड पूर्णपणे पडताळून पाहण्याच्या सूचना देण्यात आल्या आहेत. एकदा डेटा सिस्टममध्ये अपलोड केल्यानंतर त्यात कोणतेही बदल केले जाणार नाहीत, असे स्पष्ट निर्देश बोर्डाने संलग्न शाळांना दिले आहेत. 

"गुण अपलोड करताना, शाळा, अंतर्गत परीक्षक आणि बाह्य परीक्षकांनी योग्य गुण अपलोड केले आहेत याची खात्री करावी कारण एकदा गुण अपलोड केल्यानंतर, गुणांमध्ये कोणतीही सुधारणा करता येणार नाही," असे सूचनेत म्हटले आहे.