जगप्रसिद्ध भौतिक शास्त्रज्ञ पद्मश्री डॉ. रोहिणी गोडबोले यांचे निधन
प्रा. डॉ. रोहिणी गोडबोले यांना विज्ञान आणि तंत्रज्ञानातील योगदानासाठी २००९ साली पद्मश्री पुरस्कारानेही गौरविण्यात आले होते.
eduvarta@gmail.com 
एज्युवार्ता न्यूज नेटवर्क
जगप्रसिद्ध भौतिक शास्त्रज्ञ प्रा. डॉ. रोहिणी गोडबोले (World famous physicist Prof. Rohini Godbole) यांचे वयाच्या ७२ व्या वर्षी निधन (passed away) झाले. मूळच्या पुण्याच्या (pune) असलेल्या डॉक्टर रोहिणी गोडबोले यांचे प्राथमिक शिक्षण हुजूरपागा या शाळेत (Hujurpaga school) झाले. त्यांनी सावित्रीबाई पुणे विद्यापीठाशी संलग्न सर परशुरामभाऊ महाविद्यालयातून (Sir Parshurambhau College of Pune University) भौतिकशास्त्र, गणित आणि सांख्यिकी या विषयात पदवी प्राप्त (Degree in Physics, Mathematics and Statistics) केली. तर आयआयटी मुंबई (IIT Mumbai) आणि न्यूयॉर्कच्या स्टोनि ब्रोक युनिव्हर्सिटीत (Stony Brook University of New York) त्यांनी पुढील शिक्षण घेतले.
मूलभूत कणांसाठी आजवर वापरण्यात येणारे 'स्टॅंडर्ड मॉडेल' पुरेसे नसून, अँटिमीटरच्या अस्तित्वासाठी आपल्याला पूर्णतः नवीन विज्ञानाचा विचार करावा लागेल, असे त्या म्हणत होत्या. त्यांना विज्ञान आणि तंत्रज्ञानातील योगदानासाठी २००९ मध्ये पद्मश्री पुरस्कारानेही गौरविण्यात आले होते. फ्रान्स सरकारने त्यांना नॅशनल अवॉर्ड ऑफ मेरिट हा सर्वोच्च सन्मान प्रदान केला होता. अशा विविध पुरस्काराने त्यांना गौरवण्यात आले आहे.
भौतिकशास्त्रज्ञ आणि प्राथमिक कण भौतिकशास्त्र फील्ड थिअरी आणि फेनोमेनोलॉजी या विषयात त्यांनी विशेष प्राविण्य मिळवले होते. इंडियन ॲकॅडमी ऑफ सायन्सेसच्या विज्ञान उपक्रमातील महिलांसाठीच्या पॅनेलच्या त्या अध्यक्षा होत्या. अखेरच्या काळात त्या बंगलोर येथील भारतीय विज्ञान संस्थेत (आयआयएससी) संशोधनाचे करत होत्या.
