दिवाळीनिमित्त पीएम श्री केंद्रीय विद्यालयातील विद्यार्थ्यांची वृद्धाश्रमाला भेट
विद्यार्थ्यांनी वृद्धांबरोबर मनमोकळा संवाद साधला ज्यामुळे दोन्ही पिढ्यांमध्ये स्नेहपूर्ण नातं निर्माण झाले.
eduvarta@gmail.com 
एज्युवार्ता न्यूज नेटवर्क
मुलांमध्ये सहानुभूती आणि आदराची भावना निर्माण व्हावी, तसेच प्रत्येक पिढीप्रति आदर वाढावा या उद्देशाने पुण्यातील लोहगाव येथील पीएम श्री केंद्रीय विद्यालय क्रमांक दोनच्या (PM Shri Kendriya Vidyalaya No. 2, Lohgaon, Pune) प्राथमिक शाळेच्या विद्यार्थ्यांनी (Primary school students) २३ ऑक्टोबर २०२४ रोजी आळंदी येथील ‘आपुलकी’ या वृद्धाश्रमाला भेट (Visit to 'Apulki' Old Age Home in Alandi) दिली. तेथील वृद्धांसोबत विद्यार्थ्यांनी दीपावलीचा आनंद लुटला. (Students enjoyed Diwali with elders)
यावेळी विद्यार्थ्यांसाठी नृत्य सादरीकरण, कविता वाचन यांसारखे उपक्रम आयोजित करण्यात आले होते. त्याचबरोबर येणाऱ्या दीपावलीच्या निमित्ताने विद्यार्थ्यांनी प्रत्येक वृद्धांना स्वतः बनवलेली ग्रीटिंग कार्ड्स भेट म्हणून देत शुभेच्छा दिल्या.
या कार्यक्रमानंतर, विद्यार्थ्यांनी वृद्धाश्रमाच्या सर्व खोल्यांची स्वच्छता केली. या भेटीदरम्यान विद्यार्थ्यांनी वृद्धांबरोबर मनमोकळा संवाद साधला ज्यामुळे दोन्ही पिढ्यांमध्ये स्नेहपूर्ण नातं निर्माण झाले.
