ग्लोबल टीचर डिसले गुरुजी यांच्या विरोधात पत्नीने केली तक्रार
डिसले गुरुजी हे उच्च शिक्षण घेण्यासाठी अमेरिकेत गेले आहेत.
eduvarta@gmail.com 
एज्युवार्ता न्यूज नेटवर्क
ग्लोबल टीचर म्हणून ओळखले जाणारे रणजितसिंह डिसले (global teacher Ranjeet Singh disle) गुरुजी पुन्हा एकदा चर्चेत आले आहेत. डिसले गुरुजी यांच्याविरोधात त्यांच्या पत्नीने लातूर न्यायालयात काैटुंबिक हिंसाचाराबाबत तक्रार केली आहे. मात्र, ते परदेशात उच्च शिक्षण घेण्यासाठी गेले असल्याची माहिती समोर आली आहे.
डिसले गुरुजी हे माढा तालुक्यातील परितेवाडी येथील चव्हाण वस्ती जिल्हा परिषद शाळेत कार्यरत आहेत. सध्या ते १ ऑगस्ट २०२४ ते ३१ मे २०२५ या कालावधीत नऊ महिन्यांच्या विनावेतन रजेवर असल्याची माहिती शिक्षण विभागाकडून देण्यात आली आहे. यापूर्वी सुद्धा शिक्षण विभागाकडून रजा मिळत नसल्यामुळे डिसले गुरुजी चर्चेत आले होते.
डिसले गुरुजी यांच्या विरोधात त्यांच्या पत्नीकडून माढा पंचायत किंवा जिल्हा परिषदेच्या शिक्षण विभागाकडे आतापर्यंत कोणतीही तक्रार प्राप्त झाली नसल्याचे शिक्षण विभागाकडून सांगितले जात आहे. डिसले गुरुजी हे उच्च शिक्षण घेण्यासाठी अमेरिकेत गेले आहेत.
