SPPU:विद्यापीठाची वेबसाईट हॅक झाली का?; सत्य नेमक काय...
google वर sppu किंवा pune University सर्च केल्यास त्याचा रिझल्ट म्हणून वेगळ्या भाषेतील मजकूर समोर येतो. त्यामुळे विद्यापीठाचे संकेतस्थळ हॅक झाले असल्याचा संशय अनेकांना येत आहे. परंतु, यात कोणतेही तथ्य नाही.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाचे (Savitribai Phule Pune University)संकेतस्थळ गुगलच्या माध्यमातून शोधल्यास विद्यापीठाशी संबंधित असणारा मजकूर दुसऱ्या भाषेत दिसत आहे. त्यामुळे विद्यापीठाचे संकेतस्थळ हॅक (University website hacked)झाले असल्याची अफवा पसरली आहे. मात्र, विद्यापीठाचे संकेतस्थळ हॅक झाले नसून केवळ गुगल सर्च (Google search)केल्यानंतरच दुसऱ्या भाषेतील मजकूर दिसत आहे. विद्यापीठाच्या संकेतस्थळावरील कोणताही मजकूर बदलला गेला नाही किंवा वेबसाईट झालेली नाही, असे विद्यापीठातील अधिकाऱ्यांनी सांगितले.
ऑक्सफर्ड ऑफ द ईस्ट म्हणून ओळखल्या जाणाऱ्या सावित्रीबाई फुले पुणे विद्यापीठाच्या संकेतस्थळाला दररोज अनेक विद्यार्थी व शिक्षण क्षेत्राशी निगडित असणाऱ्या व्यक्ती भेट देतात. unipune.ac.in या संकेत स्थळावरील कोणत्याही मजकूर बदललेला नाही. मात्र google वर sppu किंवा pune University सर्च केल्यास त्याचा रिझल्ट म्हणून वेगळ्या भाषेतील मजकूर समोर येतो. त्यामुळे विद्यापीठाचे संकेतस्थळ हॅक झाले असल्याचा संशय अनेकांना येत आहे. परंतु, यात कोणतेही तथ्य नाही.
गुगल हे त्रस्त सर्च इंजिन असून गुगलच्या सर्च इंजिन स्पॅम मध्ये झालेल्या तांत्रिक बदलामुळे वेगळ्या भाषेतील मजकूर दिसून येत आहे. विद्यापीठाच्या अधिकाऱ्यांनी या संदर्भातील रिपोर्ट गुगल सर्च कन्सल्टिंग टीम कडे पाठविला आहे. त्यामुळे गुगलकडून या संदर्भातील आवश्यक बदल केला जाईल अशी अपेक्षा आहे.
