वारजे हादरल !शाळकरी मुलीवर अत्याचार;पोलिसांकडून गुन्हा दाखल

एज्युवार्ता न्यूज नेटवर्क

शिक्षणाचे माहेरघर असलेल्या पुणे शहरातून शिक्षण क्षेत्राला काळीमा फासणारी (Pune City Crime News) घटना समोर आली आहे. वारजे माळवाडी भागातील एका व्यक्तीने शाळेत सोडण्याची बतावणी करुन अल्पवयीन मुलीवर मोटारीत बलात्कार (Rape of a minor girl) केल्याची धक्कादायक घटना उघडकीस (Shocking incident revealed) आली आहे. या प्रकरणी एकाविरुद्ध गुन्हा दाखल (A case has been registered against one) करण्यात आला आहे. आरोपी हा शाळकरी मुलीच्या ओळखीतील आहे.

ज्ञानेश्वर सुरेश रायरीकर (वय २९, रा. पोळ काॅलनी, आपटे सोसायटी रस्ता, वारजे माळवाडी) असे गुन्हा दाखल केलेल्या व्यक्तीचे नाव आहे. याबाबत अल्पवयीन मुलीच्या आईने वारजे माळवाडी पोलीस ठाण्यात फिर्याद दिली आहे. 

पोलिसांनी दिलेल्या माहितीनुसार, आरोपी हा शाळकरी मुलीच्या ओळखीचा आहे. त्याची पीडित मुलीच्या आईशी ओळख होती. १८ फेब्रुवारी रोजी सकाळी पावणेसातच्या सुमारास अल्पवयीन मुलीला मोटारीतून शाळेत सोडतो, असे सांगून तिला आरोपीने नेले. कर्वेनगर भागातील डीपी रस्त्यावर त्याने मोटार थांबविली. मोटारीत त्याने मुलीला धमकावून बलात्कार केला. हा प्रकार कोणाला सांगितल्यास त्याने मुलीला जिवे मारण्याची धमकी दिली. घाबरलेल्या मुलीने याबाबतची माहिती आईला दिली.

त्यानंतर आरोपीविरुद्ध बलात्कार, तसेच बालकांचे लैंगिक अत्याचारांपासून संरक्षण कायद्यान्वये (पोक्सो) गु्न्हा दाखल करण्यात आला. सहायक पोलीस आयुक्त सुजाता तानवडे, वरिष्ठ पोलीस निरीक्षक महेश बोळकोटगी यांनी घटनास्थळी भेट दिली. पोलीस उपनिरीक्षक तरडे तपास करत आहेत.