विद्यापीठाच्या PHD पेट परीक्षेचे हॉल तिकीट उपलब्ध

एज्युवार्ता न्यूज नेटवर्क 

सावित्रीबाई फुले पुणे विद्यापीठातील (Savitribai Phule Pune University)विविध विभाग व संलग्न शैक्षणिक संस्थांमधील संशोधन केंद्रातील पीएचडी प्रवेशासाठी (PhD admissions) विद्यापीठातर्फे ऑनलाईन पीएचडी पेट (PHD PET) परीक्षा येत्या 24 ऑगस्ट रोजी आयोजित करण्यात आली आहे.या परीक्षेचे हॉल तिकीट (Hall Ticket)विद्यापीठाच्या संकेतस्थळावर सोमवारी (दि.19) सायंकाळी सहा वाजेपर्यंत उपलब्ध करून देण्यात येणार आहेत. विद्यार्थी https://bcud.unipune.ac.in/phd_entrance/applicant/login.aspx या लिकवर जाऊन हॉल तिकीट डाऊनलोड करू शकतात. 

सावित्रीबाई फुले पुणे विद्यापीठातर्फे पीएचडी प्रवेशासाठी इच्छुक विद्यार्थ्यांकडून ऑनलाईन पद्धतीने अर्ज मागविण्यात आले होते. 10 ऑगस्टपर्यंत अर्ज जमा करण्याची मदत होती विद्यापीठाकडे तब्बल 10 हजार 600 विद्यार्थ्यांनी पीएचडी प्रवेशासाठी अर्ज केले आहेत. या सर्व विद्यार्थ्यांची परीक्षेचे बैठक व्यवस्था पुणे, अहमदनगर व नाशिक या जिल्ह्यांतील विविध परीक्षा केंद्रांवर करण्यात आली आहे. पीएचडी प्रवेशासाठी उपलब्ध जागा आणि आलेले अर्ज यात मोठी तफावत आहे. त्यामुळे पीएच.डी.प्रवेशासाठी  विद्यार्थ्यांमध्ये मोठी स्पर्धा पाहायला मिळणार आहे.विद्यापीठाच्या पीएचडी ट्रॅकिंग पोर्टलवर पीएचडी. प्रवेश पूर्व परीक्षेसाठी अर्ज केलेल्या विद्यार्थ्यांची यादी प्रसिद्ध करण्यात आली आहे.  

विद्यापीठाने यापूर्वी प्रसिद्ध केलेल्या वेळापत्रकानुसार येत्या 24 ऑगस्ट रोजी पीएचडी प्रवेश पूर्व परीक्षा घेतली जाणार असून परीक्षेचा निकाल 5 सप्टेंबर रोजी प्रसिद्ध केला जाणार आहे. शक्यतो विद्यार्थ्यांना त्यांच्या घराजवळील परीक्षा केंद्र मिळावेत याबाबत विद्यापीठ प्रशासनाने काळजी घेतली आहे, असे विद्यापीठातील अधिकाऱ्यांनी सांगितले.