UPSC : भारतीय आर्थिक सेवा आणि भारतीय सांख्यिकी सेवा २०२५ परीक्षेचे हॉलतिकीट प्रसिद्ध
आयोगाने प्रसिद्ध केलेल्या अधिसूचनेनुसार, IES आणि ISS परीक्षा २० जून ते २२ जून २०२५ दरम्यान देशभरात घेतल्या जाणार आहेत. उमेदवारांना परीक्षा केंद्रावर ई-प्रवेशपत्राची छापील प्रत घेऊन जाणे आवश्यक असणार आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) भारतीय आर्थिक सेवा (IES) आणि भारतीय सांख्यिकी सेवा (ISS) परीक्षा २०२५ साठी ई-प्रवेशपत्रे (online hallticket) अधिकृतपणे प्रसिद्ध केली आहेत. सर्व नोंदणीकृत उमेदवार (candidates) आता त्यांच्या नोंदणी प्रमाणपत्रांचा वापर करून https://upsconline.gov.in/ या अधिकृत वेबसाइटवरून त्यांचे हॉलतिकिटे डाउनलोड करू शकतात.
आयोगाने प्रसिद्ध केलेल्या अधिसूचनेनुसार, IES आणि ISS परीक्षा २० जून ते २२ जून २०२५ दरम्यान देशभरात घेतल्या जाणार आहेत. उमेदवारांना परीक्षा केंद्रावर ई-प्रवेशपत्राची छापील प्रत घेऊन जाणे आवश्यक असणार आहे. UPSC ने स्पष्टपणे सांगितले आहे की, कोणत्याही परिस्थितीत पोस्टाने कोणतेही भौतिक प्रवेशपत्र पाठवले जाणार नाही. (No physical admit cards will be dispatched by post under any circumstances.)
असे करा UPSC IES/ISS हॉलतिकीट डाउनलोड
उमेदवारांनी सर्वप्रथम https://upsconline.gov.in/ या अधिकृत वेबसाइटवर जावा. त्यानंतर मुखपृष्ठावर उपलब्ध असलेल्या IES/ISS ई-प्रवेशपत्र २०२५ लिंकवर क्लिक करा. लॉगिन फील्डमध्ये तुमच्या जन्मतारखेसह तुमचा नोंदणी आयडी प्रविष्ट करा. लॉगिन केल्यानंतर स्क्रीनवर दिसणारे तुमचे IES/ISS २०२५ ई-प्रवेशपत्र पहा. हॉलतिकीट PDF स्वरूपात डाउनलोड करा आणि परीक्षेच्या वापरासाठी हॉलतिकीटची प्रिंटआउट घ्या.
उमेदवार UPSC IES आणि ISS प्रवेशपत्र २०२५ डाउनलोड करण्यासाठी https://upsconline.gov.in/eadmitcard/admitcard_iss_2025/instructions.php या दिलेल्या लिंकवर क्लिक करू शकतात.
