दहावी, बारावी जून- जुलै पुरवणी परीक्षेचे प्रवेशपत्र प्रसिद्ध 

एज्युवार्ता न्यूज नेटवर्क 

महाराष्ट्र राज्य माध्यमिक व उच्च माध्यमिक शिक्षण मंडळामार्फत (Maharashtra State Board of Secondary and Higher Secondary Education) घेण्यात येणाऱ्या दहावी, बारावीच्या जून-जुलै पुरवणी परीक्षेचे (10th, 12th supplementary exams) प्रवेशपत्र प्रसिद्ध (Admit card released) करण्यात आले आहेत. विद्यार्थ्यांना ऑनलाइन पद्धतीने ही प्रवेशपत्रे उपलब्ध करून देण्यात येणार आहेत. त्यानुसार २४ जूनपासून इयत्ता दहावी व बारावीच्या पुरवणी परीक्षा (Supplementary exams for class 10th and 12th from June 24th) घेण्यात येणार आहे. 

महाराष्ट्र राज्य मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळामार्फत माध्यमिक शालान्त प्रमाणपत्र (इयत्ता १०वी) व उच्च माध्यमिक प्रमाणपत्र (इयत्ता १२वी) पुरवणी परीक्षा जून-जुलै २०२५ मध्ये होणार आहेत. त्यानुसार इयत्ता बारावी अभ्यासकमाची लेखी परीक्षा २४ जून ते १६ जुलै  या कालावधीत आहे. तसेच इयत्ता बारावी माहिती तंत्रज्ञान, सामान्यज्ञान विषयाची परीक्षा ऑनलाईन पध्दतीने १५ व १६ जुलै २०२५ रोजी घेण्यात येणार आहे. तर २४ जून ते ८ जुलै या कालावधीत दहावीचे प्रात्यक्षिक, तोंडी, अंतर्गत मूल्यमापन केले जाणार आहे. 

राज्य मंडळाने ५ मे रोजी बारावीचा, तर १३ मे रोजी दहावीचा निकाल जाहीर केला. या परीक्षांतील अनुत्तीर्ण, एटीकेटी प्राप्त विद्यार्थी, श्रेणी सुधार करू इच्छिणारे विद्यार्थी यांना संधी मिळण्यासाठी पुरवणी परीक्षा घेतली जाणार आहे. आतापर्यंत पुरवणी परीक्षा जुलै-ऑगस्टमध्ये घेतली जात होती. मात्र, यंदा ही परीक्षा लवकर घेतली जाणार आहे.