Good News :शाळा, विद्यापीठ, महाविद्यालयातील कर्मचाऱ्यांचे वेतन 25 ऑक्टोबरपूर्वी करण्याचे वित्त विभागाचे आदेश 

एज्यूवार्ता न्युज नेटवर्क 

राज्यातील सर्व जिल्हा परिषदा मान्यता प्राप्त व अनुदानित शैक्षणिक संस्था, कृषी विद्यापीठे, अकृषी विद्यापीठे व संलग्न महाविद्यालयातील (Educational Institutions, Agricultural Universities, Non-Agricultural Universities and Affiliated Colleges)अधिकारी, कर्मचारी तसेच सेवानिवृत्त कर्मचारी यांना 25 ऑक्टोबर पूर्वी वेतन (Salary)अदा करावे,असा अध्यादेश (GR)राज्याच्या वित्त विभागाने 24 ऑक्टोबर रोजी प्रसिद्ध केला आहे. त्यामुळे दिवाळीपूर्वीच संबंधितांना वेतन मिळण्याचा मार्ग मोकळा झाला आहे. 

वित्त विभागाच्या आधुनिक अधिनस्त असलेल्या लेखा व कोषागार संचालनालय यांच्याद्वारे चालविल्या जाणाऱ्या ट्रेझरी नेट, बीम्स, बिल पोर्टल ,सेवार्थ ,ग्रास ,निवृत्तीवेतन वाहिनी, कोषवाहिनी, अर्थवाहिनी , महाकोष, वेतनिका आदी संगणक प्रणालीच्या संदर्भातील टाटा कम्युनिकेशन लिमिटेड यांच्यामार्फत करण्यात असलेले डाटा मॅनेज होस्टिंगचे कामकाज महाराष्ट्र माहिती तंत्रज्ञान महामंडळ यांच्याकडे हस्तांतरित करण्याची कार्यवाही सद्यस्थितीत सुरू आहे. ही हस्तांतरणाची कार्यवाही तांत्रिक स्वरूपाची असल्यामुळे अतिशय गुंतागुंतीची आहे. या प्रक्रियेचा अविभाज्य भाग म्हणून ऑक्टोबरच्या शेवटच्या आठवड्यात सर्व प्रणाली बंद ठेवल्या जाणार आहेत.  त्यामुळे ऑक्टोबर 24 चे वेतन तसेच निवृत्तीवेतन हे 25 ऑक्टोबरपूर्वी अदा करण्याबाबत शासनाने मान्यता दिली आहे.

ऑक्टोबर 2024 चे वेतन आणि निवृत्ती वेतन 25 ऑक्टोबर पूर्वी होण्यासाठी राज्याच्या लेखा व कोषागार संचालक कार्यालयाने सर्व जिल्हा कोषागार कार्यालय व उप कोषागार कार्यालय यांना आवश्यक त्या सूचना तात्काळ द्याव्यात, असे आदेश संबंधितांना दिले आहेत.