UGC-NET : यूजीसी नेट परीक्षेचे सुधारित वेळापत्रक प्रसिद्ध
येत्या 21 ऑगस्ट ते 4 सप्टेंबर या कालावधीत 83 विषयांचे परीक्षा ऑनलाईन पद्धतीने जाणार आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सी (NTA)अर्थात एनटीएतर्फे घेतल्या जाणाऱ्या UGC NET परीक्षेचे सुधारित वेळापत्रक (UGC NET Exam Revised Time Table)प्रसिद्ध करण्यात आले आहे. त्यानुसार आता येत्या 21 ऑगस्ट ते 4 सप्टेंबर या कालावधीत 83 विषयांचे परीक्षा ऑनलाईन पद्धतीने जाणार आहे. एनटीएतर्फे या संदर्भातील परिपत्रक प्रसिद्ध करण्यात आले आहे.
एनटीएतर्फे यूजीसी नेट जून 2024 परीक्षा केव्हा घेतली जाणार याबाबत विद्यार्थ्यांमध्ये उत्सुकता होती. सहाय्यक प्राध्यापक पदाच्या पात्रतेसह यंदा प्रथमच पीएचडी प्रवेशासाठी सुद्धा या परीक्षेचे गुण ग्राह्य धरले जाणार आहेत. यूजीसी नेट जून 2024 ही परीक्षा कोणत्या विषयांसाठी असेल याबाबतची सविस्तर माहिती प्रसिद्ध करण्यात आली आहे. त्याचप्रमाणे परीक्षेपूर्वी दहा दिवस आधी परीक्षा केंद्राचे नाव व शहराचे नाव विद्यार्थ्यांना उपलब्ध करून दिले जाईल. त्यासाठी विद्यार्थ्यांनी वेळोवेळी यूजीसीच्या www.nta.ac.in या संकेतस्थळाला भेट द्यावी, असे आवाहन करण्यात आले आहे.
