अटल इनोव्हेशन स्पर्धेत महाराष्ट्राचा झेंडा; हिरकणी विद्यालयाला देशात 149 वी रँक
शाळेतील विद्यार्थिनींनी भुईमुगाच्या शेंगा काढण्याचे यंत्र तयार केले होते.
eduvarta@gmail.com 
एज्युवार्ता न्यूज नेटवर्क
Atl marathon: केंद्र शासनातर्फे आयोजित करण्यात आलेल्या अटल इनोव्हेशन स्पर्धेत (Atal Innovation Competition)महाराष्ट्रातील पुणे जिल्ह्यांमधील आंबेगाव तालुक्यातील गावडेवाडी येथील हिरकणी विद्यालयाने (Hirakni Vidyalaya at Gavdevadi in Ambegaon Taluk)अटल इनोव्हेशन स्पर्धेत चमकदार कामगिरी (Brilliant performance of Hirakani Vidyalaya in Atal Innovation Competition)केली आहे. या स्पर्धेत देशभरातून तब्बल 20 हजार शाळा सहभागी झाल्या होत्या. या शाळांमधून संपूर्ण भारतातून टॉप ५०० शाळांमध्ये हिरकणी विद्यालयाने १४५ वे स्थान प्राप्त पटकावले आहे. या स्पर्धेत विद्यालयाच्या विद्यार्थिनींनी उत्कृष्ट कामगिरी बजावली.
या स्पर्धेत शाळेतील आकांक्षा जालिंदर गावडे,ईश्वरी संजय हिंगे,सानिका सुनील गावडे,साक्षी मधुकर शेजवळ, आर्या सुनील थोरात,अक्षरा जालिंदर टेमकर या विद्यार्थिनींनी सहभाग घेतला होता.त्यांना स्पर्धेसाठी हिरकणी विद्यालयाचे मुख्याध्यापक व्ही.के.बोंबले, तसेच विज्ञान आश्रम पाबळचे स्कूल प्रोजेक्ट प्रमुख महेंद्र भोर,कोमल राऊत, विद्यालयाचे मल्टी स्किल निदेशक नितिन भालेराव यांचे मार्गदर्शन लाभले.
शाळेतील विद्यार्थिनींनी भुईमुगाच्या शेंगा काढण्याचे यंत्र तयार केले होते.शेतकऱ्यांना शेंगा काढण्यासाठी पुरेसे मनुष्यबळ उपलब्ध होत नाही.तसेच पारंपरिक पध्दतीने शेंगा काढल्यामुळे शेतकऱ्यांचे नुकसान होते.त्यामुळे या विद्यार्थिनींनी स्वत: थ्री डी प्रिंटिंग द्वारे मशीनचे डिझाईन करून कमी खर्चात हे मशीन तयार केले होते.ऑनलाईन सादरीकरणानंतर या प्रकल्पाची स्पर्धेसाठी निवड झाली होती.हिरकणी विद्यालयाचा प्रकल्प स्पर्धेत उपांत्य फेरीपर्यंत पोहचला होता.त्यामुळे शाळेचे व स्पर्धेत सहभागी विद्यार्थिनींनीचे सर्वत्र कौतुक केले जात आहे.
विद्यार्थिनींच्या या अभूतपूर्व यशाबद्दल दत्तगुरु शिक्षण प्रसारक मंडळ गावडेवाडी संस्थेच्यावतीने अभिनंदन करण्यात आले. संस्था अध्यक्ष संजय पिंपळे, उपाध्यक्ष सुनील गावडे, सचिव प्रवीण गावडे, गावचे विद्यमान सरपंच विजय गावडे आणि सर्व संचालकांनी विद्यार्थिनी आणि सहभागी शिक्षकांचे अभिनंदन केले. शाळा समिती अध्यक्ष शिवाजी गावडे, शाळा व्यवस्थापन समिती अध्यक्ष संदीप गावडे आणि उपाध्यक्ष सोनाली गावडे यांनी सर्व विद्यार्थिनींना व शिक्षकांना शुभेच्छा दिल्या.हिरकणी विद्यालयाच्या विद्यार्थिनींचा हा गौरव विद्यालयाच्या शैक्षणिक गुणवत्ता व शालेय विकासाच्या दिशेने उचललेले एक मोठे पाऊल आहे.
