शिक्षणाच्या नावाखाली ८ वर्षाच्या विद्यार्थ्याला ट्युशन टिचरने दिले मेणबत्तीचे चटके..

एज्युवार्ता न्यूज नेटवर्क

शिक्षणाच्या नावाखाली विद्यार्थ्यांचा छळ (Harassment of students) होत असल्याची धक्कादायक घटना समोर आली आहे. अक्षर सुधारण्याच्या नावाखाली मुंबईतील एका ट्युशन टीचरने (Tuition Teacher) ८ वर्षीय विद्यार्थ्याला मेणबत्तीचे चटके (8-year-old student injured) दिल्याचे समोर आल्याने एकच खळबळ उडाली आहे. या घटनेमुळे मालाड पूर्वेकडील पिंपरीपाडा परिसरातील पालकांमध्ये भीतीचे वातावरण निर्माण झाले आहे. या प्रकरणी कुरार पोलिसांनी राजश्री राठोड (Teacher Rajshree Rathod) या शिक्षिकेविरोधात गुन्हा दाखल केला आहे.

परदेशी शिक्षणाचे स्वप्न आता मायदेशात पूर्ण होणार; ब्रिस्टल विद्यापीठाचे कॅम्पस मुंबईत स्थापणार..

तक्रारदार महिला मुस्तकीन गुलाम रसूल खान यांचा मुलगा मोहम्मद हमजा खान (वय ८ वर्षे) हा गोरेगाव पूर्वेकडील गोकुळधाम परिसरात राहणाऱ्या ट्युशन टीचर राजश्री राठोड यांच्याकडे घरगुती शिकवणी घेण्यासाठी जात असे. नेहमीप्रमाणे हा विद्यार्थी ट्युशनला गेला होता. क्लास संपल्यानंतर शिक्षिकेने विद्यार्थ्याच्या आईला फोन करून मुलाला घरी घेऊन जाण्यास सांगितले. घरी गेल्यानंतर मुलाच्या उजव्या तळहाताला जखम होऊन तो रडत असल्याचे आईच्या लक्षात आले.

जखमा पाहिल्यानंतर मुलाला विचारत घेऊन आईने विचारले असता मुलाने हस्ताक्षर चांगले नसल्याने पेटत्या मेणबत्तीवर हात धरून टीचरने शिक्षा दिल्याचे सांगितले. घडलेल्या घटनेचा जाब विचारण्यासाठी मुलाची आई ट्युशन टीचरकडे गेली. यावेळी शिक्षिकेने त्याची कबुली दिली. त्यानंतर आईने मुलाला सोबत घेऊन कुरार पोलिसांत तक्रार दिली आणि घडलेला सर्व प्रकार तक्रारीत नमूद केला.