अभ्यासिका जळून खाक, विद्यार्थ्यांच्या सुरक्षिततेचा प्रश्न ऐरणीवर

एज्युवार्ता न्यूज नेटवर्क

दिल्लीतील कोचिंग सेंटरमधील दुर्घटना ताजी असतानाच आता पुण्यातील एका अभ्यासिका जळून खाक झाली आहे. यामुळे विद्यार्थ्यांच्या सुरक्षिततेचा (The issue of student safety)  प्रश्न ऐरणीवर आला आहे. या आगीच्या दुर्घटनेमुळे पुणे शहरातील विद्यार्थ्यांमध्ये भीतीचे वातावरण निर्माण झाले आहे. पुण्यातील गांजवे चौक (Ganjave Chowk in Pune) परिसरातील अभ्यासिकेला भीषण आग (A severe fire to the academician) लागल्याची समोर आली आहे. यामध्ये विद्यार्थ्यांचे लॅपटॉप, पुस्तके, नोट्स (Laptops, books, notes were burnt) आणि अनेकांचे महत्त्वाचे शैक्षणिक प्रमाणपत्रे जळून खाक झाली आहेत. 

पुण्याच्या मध्यवर्ती भागात असलेल्या या अभ्यासिकेचे नाव ध्रुवतारा आहे. एमपीएससी आणि इतर स्पर्धा परीक्षा दोन महिन्यांवर आलेल्या आहेत. विद्यार्थी यासाठी वर्षभर तयारी करत असतात. या आगीत विद्यार्थ्यांचे वर्षभराचे कष्ट वाया गेले आहे. ही आग शॉर्ट सर्किटमुळे लागल्याचे सांगितले जात आहे. या घटनेनंतर अभ्यासिका चालकावर महापालिका प्रशासन आणि पोलीस प्रशासन काय कारवाई करणार याकडे सर्वांचे लक्ष लागले आहे. कारण या घटनेत जरी कोणतीही जिवित हानी झाली नसली तरी ही घटना गंभीर स्वरुपाची आहे. सध्या आग आटोक्यात आणली आहे. 

पुण्यात जिथे विद्यार्थी अभ्यास करतात त्या अभ्यासिका सर्व नियम पाळत नाहीत. एका हॉलमध्ये मर्यादेपेक्षा जास्त विद्यार्थ्यांना बसवले जाते. सुरक्षित विद्यूत प्रवाह कितपत होतो यावरही प्रश्नचिन्ह आहेत. आग लागल्यानंतर तिथून निघण्यासाठी पर्यायी व्यवस्था नाही. त्यामुळे आज नवी पेठेत घडलेला आगीचा प्रकार पुढे कुठेही घडू शकतो. महापालिकेकडून या अभ्यासिकांचे फायर ऑडिट वेळेवर होत नसल्याच्या तक्रारीही आल्या आहेत.

पुण्यातील नवी पेठेतील ध्रुवतारा अभ्यासिकेला आज (शनिवारी) सकाळी साडेसातच्या सुमारास भीषण आग; नोस्ट्स, डॉक्युमेंट्सची, लॅपटॉप सगळं जळाल्याने विद्यार्थी हताश !#pune #dhruvatara #punefire #breakingnews #Mpscexam #students #punenews #study #mpscnews #mpsc2024 #maharashtra #eduvarta pic.twitter.com/LvFrBRXZSL

— Edu Varta (@EduvartaNews) October 19, 2024