JNU मध्ये भाजप,मोदी यांच्या विरोधात विद्यार्थ्यांकडून घोषणाबाजी ;ABVP ने व्हिडिओ केला पोस्ट
५ जानेवारीच्या रात्री कॅम्पसमध्ये आयोजित 'गुरिल्ला ढाबा' नावाच्या कार्यक्रम आयोजित करण्यात आला होता. यावेळी पंतप्रधान नरेंद्र मोदी आणि गृहमंत्री अमित शहा यांच्याविरुद्ध आक्षेपार्ह आणि चिथावणीखोर घोषणा देण्यात आल्याचा आरोप आहे. जेएनयू प्रशासनाने आता या प्रकरणात कडक भूमिका घेतली आहे असून दिल्ली पोलिसांना पत्र लिहून एफआयआर नोंदवण्याची मागणी केली आहे.
eduvarta@gmail.com 
एज्युवार्ता न्यूज नेटवर्क
जवाहरलाल नेहरू विद्यापीठ (जेएनयू) पुन्हा एकदा वादाच्या केंद्रस्थानी आहे. ५ जानेवारीच्या रात्री कॅम्पसमध्ये आयोजित 'गुरिल्ला ढाबा' नावाच्या कार्यक्रम आयोजित करण्यात आला होता. यावेळी पंतप्रधान नरेंद्र मोदी आणि गृहमंत्री अमित शहा यांच्याविरुद्ध आक्षेपार्ह आणि चिथावणीखोर घोषणा (Offensive and provocative slogans) देण्यात आल्याचा आरोप आहे. जेएनयू प्रशासनाने (JNU Administration) आता या प्रकरणात कडक भूमिका घेतली आहे असून दिल्ली पोलिसांना पत्र लिहून एफआयआर नोंदवण्याची मागणी (Demand for filing an FIR) केली आहे.
JNU प्रशासनाने पोलिसांना पाठवलेल्या पत्रात म्हटले आहे की, या घोषणाबाजीने केवळ सर्वोच्च न्यायालयाच्या निर्णयाचे उल्लंघन केले नाही तर जेएनयू JNU आचारसंहितेचेही उल्लंघन केले आहे. हे संविधानाचेही स्पष्ट उल्लंघन आहे. विद्यापीठाने या घटनांना कॅम्पसमधील शांतता, सुरक्षा आणि कायदा आणि सुव्यवस्थेसाठी गंभीर धोका असल्याचे वर्णन केले आहे. पत्रासोबतच, जेएनयूने काही विद्यार्थ्यांची नावे दिल्ली पोलिसांना सोपवली आहेत. ज्यामध्ये जेएनयूएसयूचे उपाध्यक्ष के. गोपिका यांचा समावेश आहे. जेएनयू JNU विद्यार्थी संघटनेने रात्री ९ वाजता साबरमती वसतिगृहाबाहेर विद्यार्थ्यांना एकत्र येण्याचे आवाहन करणारे एक पोस्टर जारी केली होती. मात्र, यावेळी काय निर्णय घेण्यात आला याबाबतची माहिती अद्याप समोर आली नाही.
सुरुवातीला, सुमारे ३० ते ३५ विद्यार्थी या कार्यक्रमाला उपस्थित होते आणि या कार्यक्रमाचा उद्देश फक्त २०२० च्या हिंसाचाराच्या वर्धापन दिनानिमित्त असल्याचे सांगण्यात आले. दिल्ली दंगली प्रकरणात उमर खालिद आणि शरजील इमाम यांचा जामीन अर्ज सर्वोच्च न्यायालयाने त्याच दिवशी फेटाळल्यानंतर आणि काही विद्यार्थ्यांनी आक्षेपार्ह आणि चिथावणीखोर घोषणा दिल्याचा आरोप केल्यानंतर कार्यक्रमाचा सूर बदलला असल्याचे जेएनयू प्रशासनाचे म्हणणे आहे. या घोषणांचा व्हिडिओ समोर आल्यानंतर हा मुद्दा राजकीयदृष्ट्या तापला. भारतीय जनता पक्षाने या घोषणांचा व्हिडिओ सार्वजनिक केला, ज्यामुळे वाद आणखी वाढला. व्हिडिओमधील घोषणा कोणत्याही विचारसरणीऐवजी थेट व्यक्तींविरुद्ध असल्याचे दिसून येत, असल्याचे मत त्यांच्याकडून व्यक्त करण्यात येत आहे.
दरम्यान, अखिल भारतीय विद्यार्थी परिषदेने याबाबत आक्षेप घेतला असून देशाच्या व एकतेच्या विरोधात केल्या जात असलेल्या कृत्याचा विरोध केला आहे.तसेच समाज माध्यमावर व्हिडिओ पोस्ट करून राष्ट्रविरोधी कृत्य विद्यापीठ परिसरात केल्यामुळे सुरक्षेचा प्रश्न निर्माण झाला असल्याचे म्हटले आहे.
जेएनयूमध्ये नक्षलवादी, दहशतवादी आणि दंगलखोरांच्या समर्थनार्थ अश्लील घोषणाबाजी करणारे निराश आहेत. कारण नक्षलवाद्यांचा खात्मा केला जात आहे. दहशतवाद्यांवर कारवाई केली जात आहे आणि न्यायालयाने दंगलखोरांची ओळख पटवली जात असल्याचं केंद्रीय मंत्री कपिल शर्मा यांनी म्हटलं आहे.
After the Supreme Court’s clear stand, those celebrating conspirators on campuses have exposed their true face.
— ABVP (@ABVPVoice) January 6, 2026
This is not dissent.
This is defiance of the Constitution and an attack on the unity of Bharat.
ABVP will not allow universities to become safe zones for… pic.twitter.com/b2iYJiAskG
