एमपीएड, एमएड सीईटी प्रवेश नोंदणीस १० फेब्रुवारीपर्यंत मुदतवाढ
शैक्षणिक वर्ष २०२६-२७ साठी घेतल्या जाणाऱ्या एमपीएड आणि मास्टर ऑफ एज्युकेशन एमएड या पदव्युत्तर अभ्यासक्रमाच्या सीईटीची प्रवेश नोंदणीची मुदत २० जानेवारीपर्यत होती. मात्र, त्यानंतर आता पुन्हा एकदा १० फेब्रुवारीपर्यंत मुदतवाढ देण्यात आली आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा कक्षामार्फत (State Common Entrance Examination Cell) राबवण्यात येणाऱ्या मास्टर ऑफ फिजिकल एज्युकेशन (एमपीएड) आणि मास्टर ऑफ एज्युकेशन (एमएड) या पदव्युत्तर अभ्यासक्रम (M.P.Ed and M.Ed postgraduate courses) प्रवेश पूर्व परीक्षेच्या नोंदणीसाठी १० फेब्रुवारीपर्यंत मुदतवाढ (Registration deadline extended until February 10th) देण्यात आली आहे. यापूर्वी देण्यात आलेली मुदत संपुष्टात आल्यानंतर आणि बहुसंख्या विद्यार्थ्यांनी अद्याप नोंदणी न केल्याने हा मुदतवाढीचा निर्णय घेण्यात आला आहे.
शैक्षणिक वर्ष २०२६-२७ साठी घेतल्या जाणाऱ्या एमपीएड आणि मास्टर ऑफ एज्युकेशन एमएड या पदव्युत्तर अभ्यासक्रमाच्या सीईटीची प्रवेश नोंदणीची मुदत २० जानेवारीपर्यत होती. मात्र, त्यानंतर आता पुन्हा एकदा १० फेब्रुवारीपर्यंत मुदतवाढ देण्यात आली आहे. याची नोंदणी ५ जानेवारीला सुरू झाली आहे. आजपर्यंत एमपीएडसाठी १०३८, तर एमएडसाठी १२३४ विद्यार्थ्यांनी नोंदणी केली आहे.
एमपीएडची प्रवेश परीक्षा २४ मार्च आणि फिल्ड परीक्षा २५ मार्च २०२६ रोजी होणार आहे. एमएडची प्रवेश परीक्षा २५ मार्च २०२६ रोजी होईल. ऑनलाइन अर्ज, माहिती पुस्तिका www.mahacet.org या संकेतस्थळावर उपलब्ध केली आहे.
