TAIT परीक्षा झाली; पण निकाल केव्हा लागणार?

एज्युवार्ता न्यूज नेटवर्क 

महाराष्ट्र राज्य परीक्षा परिषदेतर्फे (Maharashtra State Council Of Examination)घेतली जाणारी शिक्षक अभियोग्यता व बुद्धिमत्ता चाचणी (TAIT-3) परीक्षा नुकतीच पार पडली.या परीक्षेसाठी नोंदणी केलेल्या 2 लाख 28 हजार 880 उमेदवारांपैकी 2 लाख 11 हजार 308 उमेदवारांनी नियोजित वेळापत्रकानुसार परीक्षा दिली.आता या परीक्षेचा निकाल केव्हा जाहीर होणार याबाबत उत्सुकता निर्माण झाली आहे. परीक्षा परिषदेतील सूत्रांनी दिलेल्या माहितीनुसार TAIT परीक्षेचा निकाल (TAIT exam results)जून महिन्याच्या शेवटच्या आठवड्यात किंवा जुलै महिन्याच्या पहिल्या आठवड्यापर्यंत जाहीर करण्याचे नियोजन आहे. 

राज्य परीक्षा परिषदेतर्फे राज्यातील 25 ते 26 जिल्ह्यात तब्बल 60 परीक्षा केंद्रांवर ऑनलाईन पध्दतीने तीन सत्रात TAIT परीक्षा घेण्यात आली. परीक्षा देणाऱ्या उमेदवारांना इतर परीक्षांमुळे TAIT परीक्षा देण्यास अडचणी येणार नाहीत, याची काळजी परीक्षा परिषदेतर्फे घेण्यात आली होती. त्यामुळे बहुतांश उमेदवारांनी नियोजित वेळेत परीक्षा दिली.आता परीक्षेचा निकाल केव्हा जाहीर होणार याकडे उमेदवारांचे लक्ष लागले आहे. 

राज्याच्या शिक्षण विभागातर्फे पवित्र पोर्टलच्या माध्यमातून शिक्षक भरती प्रक्रिया राबवली जात आहे. TAIT परीक्षा उत्तीर्ण उमेदवारांनाच शिक्षक भरती प्रक्रियेत सहभागी होता येते. त्यामुळे शिक्षण विभागाने TAIT परीक्षेचा निकाल लवकर जाहीर करावा,अशी उमेदवारांची अपेक्षा आहे. ही बाब विचारात घेऊन जून महिना अखेरीस किंवा जुलै महिन्याच्या पहिल्या आठवड्यात TAIT परीक्षेचा निकाल जाहीर होण्याची शक्यता आहे.