सचिन गोरडे पाटील यांच्या विरोधात विद्यापीठाच्या कामगार संघटनेचे आंदोलन
दुपारी जेवणानंतर अधिसभेचे कामकाज दुपारी सव्वा चार वाजेपर्यंत बंद होते. पुढे सर्व सदस्यांनी दिलगिरी व्यक्त केली. त्यांनतर कामकाज सुरू झाले. कुलगुरू यांनी अध्यक्षीय भाषण सुरू केले.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या आधिसभेत स्थगन प्रस्तावाच्या चर्चेवरील भाषणात सचिन गोरडे पाटील यांनी व्यक्त केलेल्या वक्तव्यावर आक्षेप घेत विद्यापीठाच्या कामगार संघटनेने विद्यापीठाच्या मुख्य इमारतीमध्ये अधिसभेसमोर आंदोलन केले. तसेच गोरडे पाटील यांच्या विरोधात घोषणाबाजी केली. त्यामुळे विद्यापीठाच्या आधिसभेचे कामकाज बंद पडले. कर्मचाऱ्यांबरोबरच विद्यापीठाचे उपकुलसचिव दर्जाचे अधिकारी सुद्धा आंदोलनात सहभागी झाले.
विद्यापीठाच्या वर्धापन दिनानिमित्त आयोजित कार्यक्रमात झालेल्या अव्यवस्थापना विरोधात स्थगन प्रस्ताव सादर करण्यात आला होता. त्यावर आधिसभा सदस्य यांनी मांडलेल्या भूमिकेमुळे व्यवस्थापन परिषद सदस्यांसह विद्यापीठाच्या अधिकारी व कर्मचाऱ्यांच्या भावना सुद्धा दुखावल्या गेल्या आहेत. त्यामुळे आंदोलन केले जात असल्याचे कर्मचारी संघटनेच्या प्रतिनिधींनी सांगितले.
अधिसभा सदस्य सचिन गोरडे पाटील यांचे सदस्यत्व रद्द करावे, अशी मागणी घोषणेद्वारे कर्मचारी व अधिकारी यांनी केली. दुपारी जेवणानंतर अधिसभेचे कामकाज दुपारी सव्वा चार वाजेपर्यंत बंद होते. पुढे सर्व सदस्यांनी दिलगिरी व्यक्त केली. त्यांनतर कामकाज सुरू झाले. कुलगुरू यांनी अध्यक्षीय भाषण सुरू केले.
