आयआयटी आणि आयआयएममध्ये कौशल्य अभ्यासक्रम सुरू
केंद्र सरकार तरुणांना वर्तमान आणि भविष्यातील गरजांनुसार कुशल बनवण्यासाठी मिशन मोडवर कौशल्य विकास राबवत आहे. याअंतर्गत, कौशल्य विकास आणि उद्योजकता मंत्रालयाची स्थापना करण्यात आली आहे. या कार्यक्रमाच्या पहिल्या टप्यात आयआयटी, आयआयएम, एनआयटी, एनआयडी, आयआयआयटी सारख्या संस्थांचा समावेश करण्यात आला आहे.
eduvarta@gmail.com 
एज्युवार्ता न्यूज नेटवर्क
जागतिक स्तरावर वेगाने बदलत जाणार्या रोजगार क्षेत्राचा विचार करता, सरकार तरुणांना दिल्या जाणाऱ्या कौशल्य प्रशिक्षणाची पातळी वाढवण्याच्या दृष्टीने वेगवेगळे प्रयोग करत आहे. याच पार्श्वभूमीवर राष्ट्रीय व्यावसायिक शिक्षण आणि प्रशिक्षण परिषदेच्या (National Council for Vocational Education and Training) NCVET बैठकीत, सर्व विद्यापीठे आणि उच्च शिक्षण संस्थांमध्ये कौशल्य प्रशिक्षण अभ्यासक्रम सुरू करण्याचा निर्णय घेण्यात आला होता.
आता याच निर्णयाचा एक भाग म्हणून आयआयटी आणि आयआयएम सारख्या राष्ट्रीय स्तरावरील संस्थांमध्ये कौशल्य अभ्यासक्रम सुरू करण्यात आला आहे. (Skill courses have been started in IITs and IIMs) या संस्थांमध्ये कौशल्य अभ्यासक्रमांसाठी प्रवेश प्रक्रिया देखील सुरू झाली आहे.
केंद्र सरकार तरुणांना वर्तमान आणि भविष्यातील गरजांनुसार कुशल बनवण्यासाठी मिशन मोडवर कौशल्य विकास राबवत आहे. याअंतर्गत, कौशल्य विकास आणि उद्योजकता मंत्रालयाची स्थापना करण्यात आली आहे. या कार्यक्रमाच्या पहिल्या टप्यात आयआयटी, आयआयएम, एनआयटी, एनआयडी, आयआयआयटी सारख्या संस्थांचा समावेश करण्यात आला आहे. या संस्थांमध्ये कौशल्य प्रशिक्षण अभ्यासक्रमासाठी प्रवेश प्रक्रिया देखील सुरू करण्यात आली आहे.
