11th Admission : अकरावी प्रवेशासाठी अंतिम विशेष फेरीचे वेळापत्रक प्रसिद्ध

एज्युवार्ता न्यूज नेटवर्क

इयत्ता अकरावी प्रवेशासाठी (11th admission process) राज्यातील ९ हजार ५२८ महाविद्यालयांत मिळून २१ लाख ५४ हजार ६९२ जागा उपलब्ध आहेत. मात्र, त्यासाठी १४ लाख ७१ हजार ७४७ विद्यार्थ्यांनी प्रवेशासाठी नोंदणी केली आहे. तर केवळ १२ लाख ७८ विद्यार्थ्यांना आत्तापर्यंत आपले प्रवेश निश्चित केले आहे. त्यामुळे नोंदणी केलेल्यापैकी जवळपास २ लाख विद्यार्थी अद्याप प्रवेशापासून वंचित आहेत. त्यामुळे शिक्षण विभागाने अंतिम विशेष फेरीचे (Final special round) आयोजन केले असून त्याचे वेळापत्रक प्रसिद्ध (Schedule released) करण्यात आले आहे.

नागपूर येथील विद्यापीठाच्या कुलगुरूचे अपघाती निधन;पत्नीचाही मृत्यू; विद्यापीठावर शोककळा

शिक्षण संचालनालयाकडून प्रसिद्ध करण्यात आलेल्या वेळापत्रकानुसार, विद्यार्थ्यांना २३ ऑगस्ट सायंकाळी ६ पर्यंत नवीन नोंदणी करता येणार आहे. त्यानंतर २५ ऑगस्ट सायंकाळी महाविद्यालयांकडून रिक्त जागा प्रदर्शित करण्यात येणार आहेत. तर २६ ते २७ ऑगस्ट या कालावधीत विद्यार्थ्यांना प्रवेशासाठी नवीन नोंदणी तसेच राज्य मंडळाच्या पुरवणी परीक्षा उत्तीर्ण (एटीकेटी) विद्यार्थ्यांसाठी व भाग १ मध्ये दुरुस्ती करता येणार आहे. तसेच अर्ज भाग -२ भरता येणार आहे. विद्यार्थी त्यांच्या प्राधान्यक्रमाच्या यादीत किमान १ ते कमाल १० उच्च माध्यमिक विद्यालयांचा समावेश करू शकतात. या फेरीत प्रवाह व पसंतीक्रम अद्ययावत करण्याची सुविधा उपलब्ध असणार आहे.

विशेष फेरीसाठी २९ ऑगस्ट रोजी Allotment लेटर पोर्टलवर जाहीर करण्यात येणार आहेत. त्यानंतर Student & College लॉगीनमध्ये तपशील दर्शविला जाईल. तसेच विद्यार्थ्यांना SMS व्दारे संदेश पाठवण्यात येईल. २९ ते ३० ऑगस्ट रोजी विद्यार्थ्यांनी आपणाला मिळालेल्या विद्यालयात जाऊन आपला प्रवेश निश्चित करावा लागणार आहे.