संत गाडगेबाबा अमरावती विद्यापीठाच्या सत्र परीक्षेचे वेळापत्रक जाहीर  

एज्युवार्ता न्यूज नेटवर्क 

संत गाडगेबाबा अमरावती विद्यापीठ (Sant Gadge Baba Amravati University) संलग्नित पाचही जिल्ह्यांच्या महाविद्यालयांमधील क्रीडा, सांस्कृतिक, आविष्कार, आव्हान, उत्कर्ष आदी परीक्षेमध्ये भाग घेतलेल्या विद्यार्थ्यांसाठी महत्त्वाची अपडेट समोर आली आहे. विद्यापीठाच्या संबंधित अधिकाऱ्यांनी प्रमाणित केलेल्या विद्यार्थ्यांच्या परीक्षेचे वेळापत्रक जाहीर (Exam schedule announced) करण्यात आहे.  विद्यापीठाच्या सत्र परीक्षा १ मार्चपासून विविध परीक्षा केंद्रांवर ही परीक्षा घेण्यात येणार आहे. 

त्यानुसार अमरावती जिल्हातील विद्यार्थ्यांची परीक्षा विद्याभारती महाविद्यालय, अकोला जिल्हातील विद्यार्थ्यांची श्री शिवाजी कला, वाणिज्य व विज्ञान महाविद्यालय, बुलढाणा जिल्हातील जी. एस. महाविद्यालय, खामगांव, यवतमाळ जिल्हातील अमोलकचंद महाविद्यालय, वाशिम जिल्हातील आर.ए. महाविद्यालय येथील परीक्षा केंद्रांवर ही परीक्षा घेण्यात येणार आहे. 

तसेच अभियांत्रिकी अभ्यासक्रमाकरिता विद्यार्थ्यांच्या हिवाळी-2024 परीक्षेच्या प्रवेश पत्रावर नमूद केलेले परीक्षा केंद्र राहतील. सदर विद्यार्थ्यांचे हिवाळी-2024 परीक्षेकरीता देण्यात आलेले परीक्षा क्रमांक व प्रवेश पत्र पर्यायी परीक्षेसाठी कायम राहणार आहे. वेळापत्रक व परीक्षा केंद्रनिहाय रोललिस्ट विद्यापीठाच्या www.sgbau.ac.in या संकेतस्थळावर उपलब्ध करून देण्यात आलेले आहेत, असे परीक्षा व मूल्यमापन विभागाकडून कळविण्यात आले आहे. परीक्षेसंदर्भात सर्व संबंधित महाविद्यालयांचे प्राचार्य, केंद्राधिकारी, महाविद्यालये, परीक्षा केंद्रांना कळविण्यात आले आहे. त्यानुसार संबंधित महाविद्यालयांनी याची तातडीने आपल्या विद्यार्थ्यांना माहिती द्यावी.