बारावीच्या विद्यार्थ्याची गळफास लावून आत्महत्या!
प्रथमेश बिराजदार हा मिरज येथील भारतनगर येथे एका खासगी अॅकॅडमीत बारावीचे शिक्षण घेत होता. काल म्हणजे मंगळवार 11 फेब्रुवारीपासून बारावीचे पेपर सुरू झाले आहेत. बारावीच्या परीक्षेपूर्वीच राहत्या घरी गळफास घेऊन प्रथमेशने आत्महत्या केली.
eduvarta@gmail.com 
एज्युवार्ता न्यूज नेटवर्क
राज्यभर 12 वी च्या परीक्षा सुरू असताना सांगली, मिरज (Sangli, Miraj) येथून एक निराशाजनक माहिती समोर आली आहे. येथील भारतनगर परिसरातील विद्यार्थ्याने बारावीच्या परीक्षेपूर्वीच राहत्या घरी गळफास घेऊन आत्महत्या केल्याची धक्कादायक घटना घडली आहे. (a student committed suicide by hanging himself at his residence before his 12th standard exams.) प्रथमेश बाळासाहेब बिराजदार (वय १८) असे त्या विद्यार्थ्यांचे नाव आहे.
प्रथमेश बिराजदार हा मिरज येथील भारतनगर येथे एका खासगी अकादमीत बारावीचे शिक्षण घेत होता. काल म्हणजे मंगळवार 11 फेब्रुवारीपासून बारावीचे पेपर सुरू झाले आहेत. परीक्षेच्या आदल्यादीवशी सोमवारी संध्याकाळी प्रथमेश त्याच्या अकादमीतून घरी आला होता. त्या दिवशी संबंधित अकादमीमध्ये बारावीचा पेपर कसा सोडवायचा, याबाबत माहिती देण्यात आली होती.
अकादमीमधून प्रथमेश हा रात्री ८ वाजण्याच्या सुमारास घरी परतला. त्यानंतर तो अभ्यासासाठी घराच्या वरच्या मजल्यावर असणाऱ्या खोलीत गेला. नंतर त्याने खोलीतील अँगलला गळफास घेऊन आत्महत्या केली. रात्री नऊ वाजण्याच्या सुमारास जेवण करण्यासाठी पालकांनी प्रथमेशला हाक मारली. परंतु, प्रथमेश याने कोणतेही उत्तर न दिल्यामुळे त्याचे पालक प्रथमेशच्या खोलीत गेले. त्यावेळी प्रथमेशने आत्महत्या केल्याचे त्यांच्या निदर्शनास आले.
प्रथमेशचे वडील मिरज कृषी विभागात सहायक म्हणून काम करतात. प्रथमेश हा अभ्यासातही हुशार होता. मात्र बारावी परीक्षेच्या ताण-तणावामुळे त्याने परीक्षेपूर्वीच हे टोकाचे पाऊल उचलल्याची चर्चा परिसरात सुरू आहे. पोलिस या प्रकरणी तपास करत आहेत.
