SSC board: दहावीचे परीक्षा अर्ज भरण्यास सुरुवात
येत्या 7 ऑक्टोबर ते 5 नोव्हेंबर या कालावधीत विद्यार्थ्यांना परीक्षा अर्ज भरता येणार आहेत, या संदर्भातील परिपत्रक राज्य मंडळाच्या सचिव अनुराधा ओक यांनी प्रसिद्ध केले आहे.
eduvarta@gmail.com 
एज्युवार्ता न्यूज नेटवर्क
SSC HSC Board: महाराष्ट्र राज्य माध्यमिक उच्च माध्यमिक शिक्षण मंडळातर्फे (Maharashtra State Board of Secondary Higher Secondary Education)फेब्रुवारी मार्च 2025 मध्ये घेतल्या जाणाऱ्या इयत्ता दहावीच्या परीक्षेचे ऑनलाईन अर्ज (Online application for class 10 exam)भरण्यास लवकरच सुरुवात होणार आहे. राज्य मंडळांनी नियमित परीक्षा अर्ज भरण्याचे वेळापत्रक जाहीर केले असून येत्या 7 ऑक्टोबर ते 5 नोव्हेंबर या कालावधीत विद्यार्थ्यांना परीक्षा अर्ज भरता येणार आहेत, या संदर्भातील परिपत्रक राज्य मंडळाच्या सचिव अनुराधा ओक (State Board Secretary Anuradha Oak)यांनी प्रसिद्ध केले आहे.
राज्य मंडळाच्या सर्व माध्यमिक शाळांनी विद्यार्थ्यांचे ऑनलाईन अर्ज भरण्यापूर्वी स्कूल प्रोफाईल मध्ये शाळा संस्था मान्यताप्राप्त विषय शिक्षक याबाबतची योग्य माहिती भरून मंडळाकडे पाठवणे आवश्यक आहे. सर्व विद्यार्थ्यांचे ऑनलाईन अर्ज भरून सबमिट केल्यानंतर अर्ज भरण्याच्या कालावधीमध्ये माध्यमिक शाळांच्या लॉगिन मधून pre- List उपलब्ध करून दिलेली असेल. माध्यमिक शाळांनी त्याची प्रिंट काढून विद्यार्थ्यां मार्फत ऑनलाईन अर्जात नमूद केलेली सर्व माहिती जनरल रजिस्टर नुसार पडताळून ती अचूक असल्याची खात्री करून घेणे गरजेचे आहे. संबंधित प्रीलिस्टवर माहितीची खात्री केल्याबाबत संबंधित विद्यार्थ्यांची स्वाक्षरी घ्यावी लागणार आहे. त्याचप्रमाणे पडताळणी केल्याबाबत मुख्याध्यापक यांनी प्रीलिस्टच्या प्रत्येक पानावर शिक्क्यासह स्वाक्षरी करावी, असे परिपत्रकात नमूद करण्यात आले आहे.
इयत्ता दहावीच्या परीक्षेत प्रविष्ट होणाऱ्या विद्यार्थ्यांनी ऑनलाइन पद्धतीने अर्ज भरावयाचे आहेत. संबंधित अर्ज हे शाळेमार्फत भरून घेतले जाणार आहेत. माध्यमिक शाळांनी नियमित विद्यार्थ्यांचे ऑनलाइन अर्ज स्वीकारण्यासाठी सरल डेटाबेस मध्ये विद्यार्थ्यांची अद्ययावत नोंद करणे आवश्यक आहे.तसेच सरल डेटाबेस वरूनच नियमित विद्यार्थ्यांचे ऑनलाइन अर्ज भरण्याची सोय उपलब्ध करून देण्यात आली आहे. पुनर्परीक्षार्थी, नाव नोंदणी प्रमाणपत्र प्राप्त झालेले खाजगी विद्यार्थी, श्रेणी सुधार व तुरळक विषय घेऊन परीक्षेत प्रविष्ट होणारे विद्यार्थी आयटीआयचे विद्यार्थी यांची माहिती सरल डेटाबेस मध्ये नसल्याने या विद्यार्थ्यांचे ऑनलाइन अर्ज प्रचलित पद्धतीने निश्चित केलेल्या तारखांमध्ये भरावयाची आहेत.
