SPPU PhD Admission: विद्यार्थ्यांना केंद्र निवडीसाठी ३० नोव्हेंबरपर्यंत मुदतवाढ
आयोजित करण्यात येत असलेल्या पी.एच.डी. प्रवेश पूर्व परीक्षा (पेट) प्रवेशअर्ज भरण्यास सावित्रीबाई फुले पुणे विद्यापीठाकडून ३० नोव्हेंबर २०२४ पर्यंत अंतिम मुदतवाढ देण्यात आली आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या (Savitribai Phule Pune University) पीएचडी प्रवेशासाठी राबविल्या जात असलेल्या प्रवेश प्रक्रियेतून पेट परीक्षेमधून सूट मिळालेल्या (PhD entrance exam) विद्यार्थ्यांना तसेच पेट परीक्षेत उत्तीर्ण झालेल्या विद्यार्थ्यांना प्रवेशासाठी केंद्र निवडण्याचा पर्याय उपलब्ध करून दिला आहे. विद्यार्थी आता येत्या ३० नोव्हेंबर २०२४ पर्यंत केंद्र निवडू शकतात. विद्यार्थ्यांच्या मागणीमुळे विद्यापीठाने ही मुदतवाढ दिली आहे.
पीएच. डी. प्रवेश परीक्षेतील (पेट) परीक्षेतून सूट मिळालेल्या विद्यार्थ्यांना विद्यापीठाच्या संकेतस्थळावर विद्याशाखानिहाय, विषयनिहाय, प्रवर्गनिहाय प्रसिध्द करण्यात आलेल्या रिक्त जागांच्या तपशीलानुसार त्यांच्या लॉगीनमधून संशोधन केंद्र निवडायचे आहेत. ज्या विद्यार्थ्यांना पीएच. डी. प्रवेश परीक्षा (पेट) मधून सूट मिळाली आहे, अशा विद्यार्थ्यांना पर्याय निवडण्याची प्रक्रिया ३० नोव्हेंबर, २०२४ पर्यंत पूर्ण करावी लागणार आहे.
विद्यार्थ्यांनी मुदतवाढ करण्याबाबत केलेल्या मागणीनुसार तसेच काही संशोधन केंद्रांना नव्याने मान्यता मिळाल्याने त्यांनी केलेल्या मागणीनुसार पीएच. डी. प्रवेश परीक्षेतील (पेट) पात्र परीक्षेतून सूट मिळालेल्या विद्यार्थ्यांसाठी ही मुदतवाढ देण्यात आली असल्याचे विद्यापीठाकडून सांगण्यात आले आहे. एकदा संशोधन केंद्र निवडल्यास प्रथम फेरीसाठी ते पुन्हा कोणत्याही कारणास्तव बदलता येणार नाही. त्यामुळे संशोधन केंद्र निवडताना काळजीपूर्वक व रिक्त जागांचा तपशील पाहून मगच संशोधन केंद्र निवडावे, असे सांगण्यात आले आहे.
