दहावी, बारावीचा १७ नंबरचा अर्ज भरणाऱ्यांसाठी ३१ डिसेंबरपर्यंत मुदत 

एज्युवार्ता न्यूज नेटवर्क 

दहावी आणि बारावीच्या खाजगी विद्यार्थ्यांसाठी (Private students of class 10th and 12th) १७ नंबर फॉर्म भरण्याची ऑनलाईन प्रक्रिया (17 Number Form Online Process) सध्या सुरू आहे. इच्छुक विद्यार्थ्यांना ३१ डिसेंबर २०२४ पर्यंत अतिरिक्त परीक्षा शुल्क भरून ऑनलाईन अर्ज करता येईल. या परीक्षांचे आयोजन महाराष्ट्र राज्य माध्यमिक आणि उच्च माध्यमिक  शिक्षण मंडळामार्फत (State Board of Secondary and Higher Secondary Education) करण्यात येते.

दहावी आणि बारावीच्या खाजगी परीक्षार्थींना १७ नंबर फॉर्म भरून परीक्षा देण्याची संधी उपलब्ध झाली आहे. यासाठी ऑनलाईन अर्ज प्रक्रिया सुरू झाली असून, विद्यार्थ्यांना ३१ डिसेंबर २०२४ पर्यंत उशिरा अर्ज करण्यासाठी अतिरिक्त परीक्षा शुल्क भरावे लागणार आहे.

माध्यमिक आणि उच्च माध्यमिक शिक्षण मंडळामार्फत दहावी व बारावीच्या परीक्षांसाठी खाजगी विद्यार्थ्यांना नावनोंदणीची प्रक्रिया मंडळाच्या सर्व अटी व शर्तींच्या अधीन राहून सुरू आहे. शिक्षण मंडळाने सर्व माध्यमिक शाळांना आणि संस्था प्रमुखांना सांगण्यात आले केली आहे की, ज्या विद्यार्थ्यांनी शिक्षण प्रवाहामधून विशिष्ट कारणांमुळे ब्रेक घेतला आहे किंवा ज्या विद्यार्थ्यांनी यापूर्वी दहावी उत्तीर्ण केली आहे. अशा विद्यार्थ्यांना या परीक्षेद्वारे शिक्षण पूर्ण करण्यासाठी नवी संधी उपलब्ध करून द्यावी.