UGC NET जून २०२५ च्या परीक्षेच्या वेळापत्रक बदल; सुधारित वेळापत्रक जाहीर
UGC NET २०२५ प्रवेशपत्र देखील परीक्षेच्या अंदाजे १० दिवस आधी उपलब्ध करून दिले जाणार आहे. उमेदवारांनी प्रवेशपत्र डाउनलोड करण्यासाठी अधिकृत वेबसाईटला भेट द्यावी.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सीने (NTA) जून २०२५ च्या UGC NET सत्राच्या परीक्षेच्या तारखांमध्ये (exam timetable) सुधारणा केली आहे. अधिसूचनेनुसार, ही परीक्षा आता २५ जून ते २९ जून २०२५ या कालावधीत घेतली जाईल. उमेदवारांना विषयवार वेळापत्रक https://ugcnet.nta.ac.in/ या अधिकृत पोर्टलवर पाहता येणार आहे.
ही परीक्षा संगणक आधारित चाचणी (सीबीटी) पद्धतीने घेतली जाईल, ज्यामध्ये ८५ विषयांचा समावेश असणार आहे. एनटीए परीक्षेच्या तारखेच्या किमान १० दिवस आधी परीक्षा शहराची माहिती जाहीर करेल. या आगाऊ सूचनेमुळे उमेदवारांना त्यांच्या प्रवासाचे आणि लॉजिस्टिक्सचे नियोजन करण्यासाठी पुरेसा वेळ मिळेल.
UGC NET २०२५ प्रवेशपत्र देखील परीक्षेच्या अंदाजे १० दिवस आधी उपलब्ध करून दिले जाणार आहे. उमेदवारांनी प्रवेशपत्र डाउनलोड करण्यासाठी अधिकृत वेबसाईटला भेट द्यावी.
असे करा हॉलतिकीट डाउनलोड
प्रथम https://ugcnet.nta.ac.in/ या अधिकृत वेबसाइटला भेट द्या. त्यानंतर "UGC NET जून २०२५ प्रवेशपत्र डाउनलोड" शीर्षकाची लिंक पहा. नंतर तुमचा अर्ज क्रमांक, जन्मतारीख आणि सुरक्षा पिन एंटर करा. क्रेडेन्शियल्स एंटर करा. प्रवेशपत्र डाउनलोड करा आणि प्रिंट करा.
दरम्यान, उमेदवारांना त्यांच्या प्रवेशपत्रावर छापलेली तारीख, शिफ्टची वेळ आणि ठिकाण यासह सर्व माहिती पुन्हा तपासण्याचा सल्ला देण्यात आला आहे.
