कामगार राज्य विमा महामंडळाअंतर्गत थेट मुलाखतीद्वारे भरती 

एज्युवार्ता न्यूज नेटवर्क 

कामगार राज्य विमा महामंडळ (Workers' State Insurance Corporation), पुणे अंतर्गत विविध पदांसाठी थेट मुलाखतीद्वारे भरती (Recruitment through direct interview) केली जाणार आहे. यामध्ये पूर्णवेळ / अर्धवेळ सुपर स्पेशालिस्ट, पूर्णवेळ / अर्धवेळ विशेषज्ञ, वरिष्ठ निवासी पदांच्या एकूण 50 रिक्त जागा भरण्यासाठी पदांनुसार पात्र असणाऱ्या उमेदवारांच्या मुलाखती घेतल्या जाणार आहेत. इच्छुक आणि पात्र उमेदवारांनी 10 ते 18 डिसेंबर 2024 दरम्यान मुलाखतीला हजर राहण्याचे आवाहन करण्यात आले आहे. 

या भरती प्रक्रियाद्वारे बिबवेवाडी, पुणे येथे सुपर स्पेशालिस्ट, स्पेशालिस्ट, सीनिअर रेजिडेंट्स-३ वर्षे आणि सीनिअर रेजिडेंट्स-१ वर्ष कंत्राटी पद्धतीने भरतीसाठी मुलाखती आयोजित करण्यात आल्या आहे. इच्छुक उमेदवार कंत्राटी पद्धतीने भरतीसाठी संकेतस्थळावर प्रसिद्ध करण्यात आलेल्या वेळापत्रकानुसार संबंधित कागदपत्रांसह मुलाखतीला उपस्थित राहू शकतात. 

या भरती मोहिमेअंतर्ग कंत्राटी तत्त्वावर फूल टाईम/पार्ट-टाईम सुपर स्पेशालिस्ट पद भरण्यात येणार आहेत. मेडिकल ऑन्कोलॉजी - १ पद, नेफ्रोलॉजी १ पद, ऍनेस्थेसियोलॉजी - १ पद, ऑप्थॉल्मॉलॉजी - १ पद, मेडिसीन - १ पद, ऑब्स्टेट्रिक्स अँड गायनेकॉलॉजी - १ पद, ऑर्थपिडिक्स - १ पद, सायकी अॅट्री, १ पद, अॅक्सिडेंट अँड इमर्जन्सी, वैद्यकीय अधीक्षक, डेंटल (एंडोडोन्टिस्ट), ऍनेस्थेसियोलॉजी यांसारखी विविध पदे भरण्यात येणार आहेत. अधिक माहितीसाठी उमेदवाराने अधिकृत संकेतस्थळ www.esic.gov.in किंवा bibvewadihospital.esic.gov.in ला भेट द्यावी.