विद्यार्थ्यांच्या दर्जेदार शिक्षणाकरिता शैक्षणिक सुविधा उपलब्ध करा; उपमुख्यमंत्री अजित पवार

एज्युवार्ता न्यूज नेटवर्क

बारामती तालुक्यातील विविध शैक्षणिक संस्थेत सुमारे दीड लाखाहून अधिक विद्यार्थी शिक्षण घेत (More than 1.5 lakh students are studying) आहेत. या विद्यार्थ्यांना दर्जेदार शिक्षण मिळावे यासाठी परिसरात अत्याधुनिक शैक्षणिक सुविधा उभारण्यावर भर (Focus on building state-of-the-art educational facilities) देण्यात येत आहे. याच पार्श्वभूमीवर जिल्हा परिषद प्राथमिक शाळेच्या नूतन इमारतीच्या आराखड्यातील वर्गखोल्यांचा आकार वाढविण्यासाठी आवश्यक तेवढा अधिकचा निधी उपलब्ध करुन देण्यात येईल, असे प्रतिपादन उपमुख्यमंत्री तथा जिल्ह्याचे पालकमंत्री अजित पवार (Deputy Chief Minister Ajit Pawar) यांनी केले. 

प्राध्यापक भरती न केल्यामुळे NIRF रँकिंगमध्ये विद्यापीठे व संस्थांची घसरण; प्राध्यापक संघटना

शारदानगर माळेगाव कॉलनी येथे जिल्हा परिषद प्राथमिक शाळेच्या नूतन इमारत बांधकामाच्या भूमिपूजन प्रसंगी ते बोलत होते. यावेळी उपमुख्यमंत्री पवार म्हणाले की, माळेगाव परिसर हा शैक्षणिक संस्थांचा केंद्रबिंदू असून येथे शैक्षणिक दर्जा अधिक उंचावण्यासाठी पायाभूत सुविधा उभारल्या जात आहेत. विद्यार्थ्यांच्या सुरक्षिततेला प्राधान्य दिले जात आहे. 

बारामती तालुक्यात शिक्षणाची उत्तम सोय उपलब्ध करून दिल्यामुळे राज्याच्या विविध भागांतून येथे विद्यार्थी शिक्षणाकरिता येत आहेत. त्यामुळे त्यांना त्यांच्या अधिकाराप्रमाणे शिक्षण मिळावे यासाठी शासन व स्थानिक संस्था सातत्याने प्रयत्नशील आहेत, असे उपमुख्यमंत्री अजित पवार यांनी म्हटले आहे.