आश्रमशाळेतील पाच अल्पवयीन मुलींवर मुख्याध्यापकानेच केला अत्याचार 

एज्युवार्ता न्यूज नेटवर्क

सांगली जिल्ह्यातील (Sangali District Crime News) जत येथील एका आश्रमशाळेत ७ वी, ८ वी वर्गात शिक्षण घेणाऱ्या चार ते पाच अल्पवयीन मुलींवर तेथील मुख्याध्यापकाकडूनच अत्याचार (Five girls Torture) केल्याचा धक्कादायक प्रकार  समोर आला आहे. हा अत्याचारात प्रकार उघड झाल्यानंतर जिल्हा समाजकल्याण व महिला बालविकास विभागाच्या (Social Welfare and Women and Child Development Department) अधिकाऱ्यांनी संबंधित संस्थेची चौकशी केली असता सर्व माहिती बाहेर आली. 

याप्रकरणी संस्थेकडून तत्काळ संबंधित मुख्याध्यापकावर निलंबनाची कारवाई करण्यात आली असून, तसा प्रस्ताव समाजकल्याण विभागास (Department of Social Welfare) पाठविण्यात आला आहे. यापूर्वी ही त्या मुख्याध्यापकाने असाच प्रकार केल्याचे समोर आले होते. मात्र, त्यावर कारवाई झालेली नव्हती. असा आरोप काही सामाजिक कार्यकर्त्यांकडून करण्यात आला. 

या घटनेची माहिती मिळताच स्थानिक आमदार आमदार गोपीचंद पडळकर यांनी या आश्रमशाळेस भेट देऊन संबंधित अधिकाऱ्यांना 'त्या' मुख्याध्यापकावर कठोर कारवाईचे आदेश दिले आहेत. समाजकल्याणच्या अधिकारी धनश्री शंकरदास व उपमुख्य कार्यकारी अधिकारी तथा महिला बालविकास अधिकारी संदीप यादव हे आज सकाळपासूनच या आश्रमशाळेत दाखल झाले. संबंधित मुख्याध्यापक व सर्व शिक्षकांची कसून चौकशी केली. 

या पार्श्वभूमीवर तासगावचे पोलिस उपाधीक्षक सचिन थोरबोले यांनी शाळेस भेट देत घटनेची चौकशी केली आहे. रात्री उशिरापर्यंत समाजकल्याण अधिकाऱ्यांकडून उगदी पोलिस ठाण्यात संबंधित मुख्याध्यपाकाच्या विरोधात गुन्हा दाखल करण्याची प्रक्रिया सुरू होती. या घटनेने पुन्हा जत तालुक्यासह सांगली जिल्हा हादरून गेला आहे.