साने गुरुजी संस्कार केंद्रातर्फे लघुपट स्पर्धेचे आयोजन; विनामुल्य सहभागी होता येणार

एज्युवार्ता न्यूज नेटवर्क

   सामाजिक माध्यमांचा मारा आणि विद्यार्थ्यांची बदलती मानसिकता अशा परिस्थितीत  साने गुरुजींचे विचार विद्यार्थ्यांमध्ये रुजावेत (Sane Guruji's thoughts should be rooted in the students) या उद्देशाने विचारधारा प्रशाळे (vichardhara school) अंतर्गत कार्यरत असलेल्या पूज्य साने गुरुजी संस्कार केंद्रातर्फे (Pujya Sane Guruji Sanskar Kendra)  लघुपट स्पर्धेचे (Short film competition) आयोजन करण्यात आले आहे.

या 'लघुपटासाठी मातृहृदयी साने गुरुजी', 'समाजवास्तव आणि मानवतावाद','साने गुरुजींच्या साहित्यातील करुणाभाव', 'साने गुरुजींच्या कथा'; 'आजच्या काळातील प्रासंगिकता', 'मानवतावादी साने गुरुजी', 'माणूस माणुसकी आणि मानवतावाद', 'साने गुरुजींचे जीवन व कार्य' हे विषय (Topic for competition) ठेवण्यात आले आहे.

या स्पर्धेसाठी महाविद्यालयीन विद्यार्थी तसेच इतर नागरिक सहभागी होऊ शकतात. लघुपटाच्या संचिकेचे HD Quality (750p/1080p) आणि MP 4 असे  स्वरूप असावी. या लघुपटाचा कालावधी पाच ते दहा मिनिटे असणे आवश्यक आहे. तसेच लघुपट संचिकेचा आकार जास्तीत जास्त 1 GB पर्यंत असावा. प्रसिद्धी साहित्यामध्ये घोषवाक्य फलक (१२x१८ आकारात), कथा सारांश (synopsis) आणि क्रेडिट यादी (pdf format ) मध्ये असावी. इतर भाषांसाठी मराठी, हिंदी किंवा इंग्रजी भाषेत उपशीर्षके असणे आवश्यक आहे.  

या स्पर्धेत प्रथम क्रमांकास ७ हजार ५०० रुपये, द्वितीय क्रमांकास ५ हजार रुपये, तृतीय क्रमांकास ३ हजार रुपये तर उत्तेजनार्थ (२) ला प्रत्येकी १ हजार ५०० रुपये पारितोषिक दिले जाणार असल्याची माहिती पूज्य साने गुरुजी संस्कार केंद्राचे विभागप्रमुख डॉ.रो.दि कोष्टी व विचारधारा प्रशाळेचे संचालक प्रा. डॉ. म. सु. पगारे यांनी दिली आहे.

अशी असणार स्पर्धेसाठीची नोंदणी प्रक्रिया

या स्पर्धेसाठी कोणतेही प्रवेश शुल्क नसेल. स्पर्धकांना प्रत्येक लघुपटासाठी स्वतंत्र नोंदणी अर्ज भरावा लागणार आहे. स्पर्धेत भाग घेण्यास इच्छुक असलेल्या विद्यार्थ्यांनी सर्वप्रथम त्यांची खात्री खाली दिलेल्या ई-मेलवर कळवावी. तसेच नोंदणीसाठी  https://forms.gle/8txrro6YLzFgTRCZ6 या लिंकवर आवश्यक ती माहिती भरावी.  

दरम्यान, लघुपट पाठवण्याची अंतिम तारीख 20 फेब्रुवारी 2025 असणार आहे. या लघुपट स्पर्धेतील विजेत्यांचा पारितोषिक वितरण समारंभ मार्च 2025 च्या पहिल्या आठवड्यात आयोजित केला जाईल. अधिक माहितीसाठी स्पर्धकांनी rohankoshti5@yahoo.co.in या ई-मेल किंवा ८०५५३३१२६४ या मोबाईल क्रमांकावर संपर्क साधावा.