विद्यापीठातर्फे शाळेच्या विद्यार्थ्यांसाठी 'विज्ञान एकांकिका स्पर्धेचे' आयोजन

एज्युवार्ता न्यूज नेटवर्क 
 
राष्ट्रीय विज्ञान दिना निमित्त्याने सावित्रीबाई फुले पुणे विद्यापीठाच्या (Savitribai Phule Pune University) विज्ञान शिक्षण आणि संप्रेषण केंद्र (सेंटर फॉर सायन्स एज्युकेशन अँण्ड कम्युनिकेशन), येथे ग्रंथाली प्रतिभांगण यांच्या संयुक्त विद्यमाने 'विज्ञान एकांकिका स्पर्धेचे' (Science One Act Competition) आयोजन केले आहे. ही स्पर्धा साधारण जानेवारी महिन्यात सेंटर फॉर सायन्स एज्युकेशन अँण्ड कम्युनिकेशन (Center for Science Education and Communication)येथे राबविण्यात येणार आहे.

या स्पर्धेतील विजेत्यांना 5 हजार रुपयांचे पहिले पारितोषिक दिले जाणार असून द्वितीय क्रमांकाचे पारितोषिक 3 हजार रुपये आहे.तर तृतीय क्रमांकाचे पारितोषिक 2 हजार रुपये आहे. शाळा व विद्यार्थी स्पर्धेच्या अधिक माहितीसाठी http://sciencepark.unipune.ac.in/ या लिंकवर तर नोंदणीसाठी https://forms.gle/ufMNrrs72x7PvJyj6 या लिंकवर संपर्क साधावा.  
 
स्पर्धेचे नियम:
पात्रता:  इयत्ता त्ता १ ली  ते १२ वी चे विद्यार्थी (प्रवेशिका शाळेतर्फे किंवा स्वतंत्र गट करून पाठवू शकतात)
नोंदणी: नोंदणी आवश्यक असून  मोफत आहे. नोंदणीची अंतिम तारीख ३१, डिसेंबर २०२४ आहे.  
नोंदणी नंतर 'नाट्यातून  विज्ञानाकडे' ( भाग १ ते ३ ) व विज्ञान नाटके या ४ पुस्तकांचा संच केंद्रातर्फे मोफत दिला जाईल.
या पुस्तकांमधील एकांकिकाच सादर करावी. इतर एकांकिका स्पर्धेस अपात्र धरल्या जातील.
स्पर्धेचा निकाल व  वितरण १० फेब्रुवारी, २०२५ रोजी होईल.
एकांकिकेचे  सादरीकरण साधारण जानेवारी महिन्यात केंद्रात होईल. सादरीकरणाचे वेळापत्रक १० जानेवारी, २०२५ पर्यंत कळविले जाईल.
सपधेतील प्रथम एकांकिकेचे अंतिम फेरीसाठी राज्यस्तरीय पातळीवर सादरीकरण २८ फेब्रुवारी, २०२५ रोजी मुंबई/ठाणे येथे होईल.