क्रीडा ग्रेस गुणांसाठी फक्त ऑनलाइन अर्ज स्विकारले जाणार; क्रीडा विभागाचे निर्देश

एज्युवार्ता न्यूज नेटवर्क 

चालू शैक्षणिक वर्षामध्ये दहावी-बारावी बोर्डाची परीक्षा (10th-12th board exams) देणाऱ्या क्रीडा विद्यार्थ्यांसाठी महत्त्वाची बातमी समोर आली आहे. क्रीडापटू विद्यार्थ्यांना दिल्या जाणाऱ्या ग्रेस गुणांसाठी (Grace points for sports students) यापुढे फक्त ऑनलाईन अर्ज करता येणार आहे. ऑफलाइन अर्ज स्वीकारला जाणार (Only online applications will be accepted) नाही. यासंबंधी क्रीडा विभागाच्या सहसंचालकांनी आदेश पारित करून सर्व संबंधितांना अवगत केले आहे. 

इयत्ता दहावी आणि बारावीच्या खेळाडू विद्यार्थ्यांना परीक्षेत मिळणाऱ्या एकूण गुणांमध्ये ग्रेस गुण समाविष्ट करून दिले जातात. सन २०२३-२४ पर्यंत याअंतर्गत ऑफलाइन अर्ज मागविण्यात येत होते; परंतु त्यात त्रुटी राहत असल्याने अनेक विद्यार्थ्यांना गुण न मिळाल्याच्या तक्रारी येत होत्या. त्यामुळे २०२४-२५ पासून ग्रेस गुणांसाठी आपले सरकार पोर्टलद्वारे ऑनलाइन पद्धतीने सर्व अर्ज महाराष्ट्र राज्य माध्यमिक व उच्च माध्यमिक शिक्षण मंडळाकडे सादर करण्याची सुविधा उपलब्ध करून देण्यात आली आहे.

क्रीडा अधिकाऱ्यांना ऑफलाइन अर्ज स्वीकारण्यास सक्त ताकीद

राज्यातील सर्व माध्यमिक शाळा व कनिष्ठ महाविद्यालयांनी खेळाडू विद्यार्थीचा ऑनलाइन पद्धतीनेच सवलत गुणांचा अर्ज सादर करावा. जिल्हा क्रीडा अधिकारी कार्यालयाने ऑफलाइन पद्धतीने अर्ज स्वीकारू नये. या सूचनांची काटेकोर अंमलबजावणी करण्यात यावी, असे निर्देश सहसंचालक सुधीर
मोरे यांनी दिले आहेत