सीए, डॉक्टर, वकिलांप्रमाणे आता इंजिनिर्सअची सुध्दा नोंदणी
या विधेयकानुसार आयआयटी, एनआयटी, आयआयआयटीमधून उत्तीर्ण झालेल्या नवीन आणि जुन्या अभियंत्यांची अखिल भारतीय तंत्रशिक्षण परिषदेत (एआयसीटीई) नोंदणी अनिवार्य असेल. त्यांना बार कौन्सिल ऑफ इंडियाच्या धर्तीवर परीक्षा देखील उत्तीर्ण करावी लागेल.
eduvarta@gmail.com 
एज्युवार्ता न्यूज नेटवर्क
सीए, सीएस, डॉक्टर, वकील, यांच्या धर्तीवर (On the lines of CA, CS, doctor, lawyer) आता इंजिनिअर्सची देखील व्यावसायिक नोंदणी होणार आहे. (Professional registration of engineers will also be done) जगभरातील भारतीय अभियंत्यांना व्यावसायिक दर्जा प्रदान करण्याच्या उद्देशाने केंद्र सरकार व्यावसायिक अभियंता विधेयक-२०२५ सादर करण्याची तयारी करत आहे. यासाठी इंडियन प्रोफेशनल इंजिनिअर्स कौन्सिलची (IPEC) स्थापना केली जाईल.
या विधेयकानुसार आयआयटी, एनआयटी, आयआयआयटीमधून उत्तीर्ण झालेल्या नवीन आणि जुन्या अभियंत्यांची अखिल भारतीय तंत्रशिक्षण परिषदेत (एआयसीटीई) नोंदणी अनिवार्य असेल. त्यांना बार कौन्सिल ऑफ इंडियाच्या धर्तीवर परीक्षा देखील उत्तीर्ण करावी लागेल.
व्यावसायिक अभियंता विधेयक-२०२५ चा पहिला मसुदा तयार आहे. भारतीय अभियंत्यांना जगभरात मागणी आहे. परंतु, आयआयटी उत्तीर्ण अभियंत्यांच्या व्यावसायिकतेबद्दल परदेशात अनेक वेळा प्रश्न उपस्थित केले गेले आहेत. या भारतीय अभियंत्यांची पदवी आणि पात्रता टिकवून ठेवण्यासाठी भारत सरकारला हस्तक्षेप करावा लागला. या पार्श्वभूमीवर हा निर्णय घेण्यात आला आहे. या कायद्यानंतर, सर्व अभियंते त्यात नोंदणीकृत होतील. व्यावसायिक भारतीय अभियंता होण्याचा परवाना जगभरात वैध असेल.
इंडियन कौन्सिल ऑफ प्रोफेशनल इंजिनिअर्समध्ये २७ सदस्य असतील. केंद्राचे १६ नामांकित सदस्य आणि शैक्षणिक संस्थांमधून ११ सदस्य असतील. राज्य सरकार, सीआयआय, फिक्की,असोचॅम शिक्षण मंत्रालय यांचे तीन प्रतिनिधी असतील.
